FORMASAUN IRMÁN PERPÉTUA

Ines Bartolo Freitas FMA

Comoro, 10 Juñu Irmán Perpetua 43 husi Komunidade 9 ho komunidade 2 husi Jakarta no Sumba liu husi online deit. Hahu enkontru ne’e iha oras tuku 10:00 dader.

Molok tama ba enkontru ne’e hahu ho orasaun ne’ebe diriji husi Ir. Cecilia del Mundo, FMA. Hafoin lia makloke hahu ho Madre Alma Castagna, FMA nu’udar Provincial TIN ne’ebe hato’o liafuan ruma kona ba Laran maus nian ne’ebe liga ho dezafiu sira ne’ebe hato’o husi Irmán sira iha loron konsultasaun nian ho Madre Asunta, FMA kona ba moris laran maus nian ne’ebe ita ida-idak hakaas an atu moris tuir ita nia Fundador sira nia hanorin iha Moris Komunidade no Misaun nu’udar Filhas de Maria Auxiliadora. Tema Jentileza ka laran maus sai topiku importante ba ita ida-idak atu moris tuir ho domin ba ita nia Karizma ne’ebe hato’o husi Ir. Cecilia del Mundo.

Laran maus ho kor oin-oin haree husi ita nia komunidade no misaun ne’ebe ita hasoru: iha Eskola sira, Orfanatu, kolejiu no mos ita nia kolaboradores sira ne’ebe ita serbisu hamutuk. Liu husi ita nia meditasaun dader nian tulun ita atu hatudu Maromak nia laran maus ba ema hirak ne’ebe ita hasoru ho domin Maromak nian.

Tuir mai komunidade ida-idak fahe esperensia Maromak nia laran maus nian ne’ebe pratika no hakaas an atu moris lor-loron ho konsente nafatin.

Ikus liu taka ho Amu Papa Francisco nia lia fuan ne’ebe sai bolun ida ba ita atu eduka ho Jentileza ka Laran maus.  Amo Papa sublinha katak: Presiza eduka labarik sira ho afeisaun, halo sira sente llaran maus domin mak forte liu agresaun.