Libanha Moniz

Dili, 1- 9 Juñu 2023

Vizita kanónika mak atu kria komunaun iha komunidade nia laran, entre irman sira no mos iha misaun nebe mak sira halao. Tan nee iha loron hirak nee Ir. Alma Castgna FMA, Inspetora Timor- Indonezia, halo vizita Kanónika iha komunidade S. José novisiado Comoro, Dili.

Irman sira simu madre ho hatais no dansa kultura nian. Iha oportunidade ida nee mos madre Alma hasoru irman sira no mos hasoru malu ho grupu sira seluk mak hanesan: ADMA, kolaborador sira(Tot, Bakery, suku), oratorianu no animadór/a sira. Ho fuan nakonu ho domin no fiar hodi rekoñese ba kmanek di’ak hotu neebe Nai hatudu ba Madre, liuhusi ninia sasin moris nian.  Nunee agradese ba Maromak ba Me. Provinsial, Me. Alma Castagna nia prezensa nudar tali uniaun entre ita, kolaborador, foinsae no labarik sira neebe Maromak entrega ba Madre hodi simu no halao, tuir Espiritu Mornese no Valdoco.

Ita husu ba Nai atu hawain iha Madre grasa hotu neebe Madre presija, liu- liu grasa saude diak hodi kontinua kultiva no genera moris.

Ikus liu taka ho misa nudar ami nia agradesimentu nian ba Me. Alma nia akompañamentu durante loron hirak nee.

Obrigada barak.