Noemia de Deus

Venilale, 19-24 Maiu 2023

Iha loron hirak ne’e Madre Inspetora, Me. Alma halo vizita iha Komunidade Maria Auxiliadora. Momentu diak no oportunu ba Irmán, kandidata, foinsa’e no labarik sira ne’ebé hola parte iha Komunidade atu hasoru malu ho Madre Inspetora. Iha loron Lima nia laran ne’e Madre bele hare ho matan rasik Irmán sira nia moris, ko’alia no rona sira ida-idak, halo enkontru komunidade nian ho Irmán sira, hasoru malu ho grupo oioin ne’ebé Irmán sira tau matan ba. Grupo sira mak hanesan: labarik sira ne’ebé hela iha Orfanato São Domingos Savio Venilale, Grupo OPIAM no trabalhadores. Madre labele hasoru Oratoriano sira tamba sira feriadu ba loron Elisaun Parlamentar nian.

Iha vizita ne’e Madre husu ba Orfanato sira no OPIAM sira atu uza sira nia liman hodi halo diak ba maluk sira, laos uza atu halo a’at. Ba Orfanato sira Madre husu atu sira ne’ebé bo’ot hadomi no tau matan ba sira ne’ebé ki’ik.

Komunidade haksolok tebes ho Madre Inspetora nia prezensa tamba “Superiora sira nia vizita mak lori bensaun no grasa Maromak nian”. Iha tempu hanesan Madre selebra hamutuk Festa Padroeira Komunidade nian hamutuk ho Komunidade Maria Auxiliadora.

Iha loron agradesimentu nian ba vizita ne’e Komunidade aprezenta Drama, dansa no knananuk kona ba Tua diak nian. Nune’e nu’udar Komunidade ami dehan: “Husi fuan ami Agradese ba KULTIVADORA Tua Diak nian”.