Iha loron 6 Maiu 2023, Pesoal saude klinika Maria Auxiliadora Venilale hamutuk ho Ir. Carolina Maria Correia FMA  no mos ho pesoa sira seluk, hahu halo promosaun nutrisaun hahan saudavel ba labarik sira iha eskola  hahu ho jardin infantil, Eskola Primaria, segundu no Terceira siklu Venilale laran. Nune’e ohin, Pesoa saude klinika nian hahu ho eskola 1⁰, 2⁰ no 3⁰ siklu; Lia – Oli, 1⁰ no 2⁰ siklu Fatulia, Osso – Gori, Uai – Cana no Uato – Haco. Ba eskola sira seluk sei ba halo promosaun tuir data ne’ebe determina ho eskola refere.

Motivasaun ne’ebé dudu ekipa ne’e hodi realiza programa; tamba hare ba labarik sira ne’ebé menus todan, hola hahan ne’ebé la’ós saudavel, oin la fresku no hili hahan  la nutriente.  Ho ne’e programa nia objetivu mak:  Promove no fó koñesimentu liu husi hanorin modelu ai-han saudavel, Ai-han haburas, Ai-han Protesaun Ai-han Forsa  hodi hili ai-han lokal ne’ebe fresku no saudavel. Haforsa merenda eskolar ne’ebe Ministeriu Edukasaun no Saude fornese ona ba  estudante sira iha eskola ida idak, hodi konxiente liutan konaba nesesidade báziku ema nian. Hanorin estudante sira  tetu no sukat todan atu hatene se sira  nia todan normal.