Adelaide Gabriel FMA

Parókia Balide, Loron 29 Fulan Abríl 2023, Konsellu Parokial departementu Vokasional ho nia estrutura organiza no realiza Kampaña Promosaun Vokasional hodi selebra Loron mundial vokasaun nian ne’ebé sei selebra iha Loron Domingo dahaat Pascoa nian.

Kongregasaun sira ne’ebé partisipa iha eventu ne’e mak: Kongregasaun Saleziana ( Uma formasaun Balide no Novisiadu), Kongregasaun Canossiana, Kongregasaun FSGM, Kongregasaun Jesuita, Kongregasaun SPC no Seminário Menor Balide (Senofa).

Partisipante sira mak estudante terceiro ano husi Colégio São Jose Operário, Cristal, Centro Formação Computador e Secretariado Balide no Joven sira seluk ne’ebé simu mós konvite.

Hanesan iha introdusaun Pe. Cesar Magno, Pr hateten: “Iha Kongregasaun oioin, espiritualidade no karisma oioin, maibé hotu-hotu iha objetivu ida de’it mak atu servi Maromak no Ninia povu”.

Eventu sai furak no kompletu liután ho aprezentasaun Video husi kada Kongregasaun, animasaun, jogus, vizita stand Kongregasaun ida-idak nian, merenda hamutuk no fahe malu.

“Karik ó rona Na’i nia lian ne’ebé bolu ó, hatan ho aten brani ba!”

Boa Festa ba loron Mundiál Vokasaun nian ba ita hotu.