Domingas da Silva FMA

Comoro, 21-23 Abril 2023

Animadores, formande sira no irman sira iha Inspetoria TIN hala’o “Laboratoriu Katekeze” iha salaun TOT-Comoro no partisipante sira hamutuk besik limanulu.

Iha laboratoriu ida ne’e hahu hodi halibur iha Jim TOT, fahe partisipante sira ba grupu hitu tuir kores ne’ebé prepara ona, halo  jogus animadu ne’ebé organiza husi irman sira ekipa Katekeze nian; Ir. Alexandrina Pinto FMA, Ir. Maria Letizia FMA no Ir.Suzana FMA. Hotu tiha jogus iha liafuan badak husi Madre Ispetora, Me. Alma Castagna FMA.

Laboratoriu ida ne’e hala’o hodi realiza programasaun Ispetoria nian, ne’ebé husu atu animador sira fo kateze ne’ebé diak ba destinatariu sira no iha laboratoriu ida ne’e hanorin animador sira oinsa bele prepara mesak katekeze.

Iha abertura Ir. Alma dehan: dalan formativu ba animador sira iha aspetu 3 ne’ebé impotante tebes: 1) Animador tenki sai tasak nu’udar ema/umanu. 2) Animador tenki iha kompetensia profisional. 3) Animador hatene ba kle’an iha aspetu espiritual. Ho aspetu 3 ne’e sei tulun animador ida atu sai katekista iha labarik no foinsa’e sira nia le’et hodi dada sira ba Jezus no transmite Jezus nia domin ba sira.

Laboratoriu kontinua hodi hakle’an no forma animador sira ho formasaun katekeze tuir Fundador Don Bosco no Co-Fundadora Madre Mazzarello nia hanorin sira. Katekeze mak nu’udar mandamentu fundamental no sentru ita nia asaun evanjelizasaun nian, iha katekeze favorese fiar sai tasak, tulun ema iha komuniaun intimu ho Jezus, hatene pratika Jezus nia virtude sira  no lori foinsa’e mane no feto sira ba dalan santidade nian.” Madre Mazzarello iha nia tempu hakuak no akompaña didiak menina sira, nia koalia ho laran espontanea, refere  nafatin buat hotu ba Jezus, koalia nafatin kona ba Jezus, la ho obriga no la impoem.” Ba Don Bosco: Sosiedade Salesiana moris ho katekeze simples ida; “bensaun hotu suli tun husi Lalehan mai husi fuan/rezultadu Ave Maria ida, ne’ebé reza ho laran manas no ho intensaun ida ne’ebé los”.

Iha formasaun laboratiu katekeze ida ne’e tulun animadores komprende diak liu tan katekeze tuir fundador sira nia hanorin no oinsa animador sira bele elabora mesak Katekeze. Nune’e bele sai katekista diak hanesan Don Bosco hakarak- “katekista ne’ebé diak kuda iha nia alunu sira : pratika karidade ba nia maluk sira; Frekenta nafatin Konfesa no Misa lor-loron ; Vizita badak ba Jezus Santissimo Sakramentu.