JG
Dili, 3 Abríl 2023

Husi loron 28 Marsu to’o 3 Abríl 2023, Ir Alma Castagna, Provinsiál FMA TIN (Timor/Indonesia) halo vizita kanónika. Iha vizita ne’e Ir Alma bele haree oinsá komunidade edukativa nia moris, Irmán, Leigu/a, estudante sira no labarik no foin-sa’e sira seluk hola parte ba komunidade ne’e.

Objetivu vizita kanónika mak verifika validade projetu komunitáriu, verifika administrasaun, verifika oinsá komunidade nia moris tuir karizma salezianu.
Iha loron hirak ne’e nia laran, Ir Alma hasoru Irmán sira ho modu pesoál (kolókiu), hasoru estudante sira tuir siklu, hasoru pesoál naun-dosente, hasoru komunidade edukativa, hasoru oratorianu/a sira, hasoru OPIAM no grupu Foin-sa’e voluntáriu Salezianu Palomino.

Ami agradese ba akompañamentu durante tinan 9 nia laran no mós ami harohan atu Maromak haraik bensan nafatin ba oin iha jornada moris nian.
Ami simu ho Laudato Si’, ami agradese ho Laudato Si’!