Sr. Honoria Santos

Loron 31/03/2023, mak loron dahuluk ne’ebé aman-inan menina Kolegiu Morano Fuiloro nian hala’o enkontru ba dahuluk. Objetivo husi enkontru ida ne’e atu fahe ho aman-inan sira regulamentu

Kolegiu nian no mós aprezenta Estreia Reitor Mor nian no informasaun seluk tan.

Molok hahú enkontru loke ho Orasaun ne’ebé prepara husi Ir. Maria Brigida de Sousa, FMA. Remata orasaun kontinua kedas ho aprezenta Estreia Reitor Mor nian konaba “NU’UDAR FERMENTU IHA FAMÍLIA UMANA OHIN LORON NIAN” husi Ir. Maria Brigida, iha Pontu hirak ne’ebé importante família presiza moris konkretu nian mak buat ne’ebé simples liu meza iha ne’ebé halibur-an hamutuk hodi fahe ba malu ksolok, susesu no insusesu sira iha Família nia laran. Nune’e mós Kreda iha ne’ebé halibur hamutuk no Altar mak sai hanesan Sentru moris sarani nian iha ne’ebé halibur iha Kristu nia sakrifisiu no domin.

Depois de aprezenta Estreia Reitor Mor nian, hatudu PowerPoint badak ba aman-inan sira atividade ne’ebé menina sira hala’o iha Kolegiu.

Tuir tan Ir. Felizarda Marçal, FMA nu’udar Asistente no Ir. Carmelinda Ivonia, FMA, nu’udar koordenadora do Curso, aprezenta regulamentu Asrama nian.

Hafoin menina sira kumprimenta Aman-inan sira ho kanta Blessed the Lord, tuir foto hamutuk no merenda e bom feriado ba menina Kursu sira.