RETIRO QUARESMA  ADMA TIMOR-LESTE  FULAN MARÇO 11-12  2023

Dili – Pascoa mak tempo nebe sarani sira celebra Na’i Jesus Kristo Nia Vitoria, manan liu husi terus no mate iha Kruz, base Fiar Kristaun nian. Pasqua la’os celebrasaun bain-bain iha sarani ida nia moris maibe ho selebrasaun ne’e atu sarani hotu conciente liu tan konaba Sakrifisiu Jesus Kristu nia terus no mate iha Kruz hodi hetan Vitoria ba umanidade tomak. Nune’e atu tama ba eventu boot ida ne’e Assosiasaun Devotos Maria Auxiliadora (ADMA) liu husi strutura Nasional Timor Leste nia dedikasaun no domin ba membru ADMA ida-idak nia buras iha vida espiritual nian, organiza tempo preparasaun espiritual ida liu husi Retiro Quaresma nian partisipa husi ADMA sira husi Maliana, Lagua2, Balide, Vemase, Baucau, Area Fatumaka, Laga, Quilikai, Venilale, Fuiloro no Lospalos, ho total participantes 435 pessoas. Preparasaun ida ne’e ho objetivu jeral mak atu Hakbiit domin ba Na’in Jesus Kristu liu husi devosaun lolos ba Inan Doben Maria Auxiliadora dos Kristauns no sai Fermentu ba kresimentu fiar sarani nian.

Topiku sira ne’ebe strutura ADMA nasional fò ba pregador/a ida-idak ba preparasaun iha tempo forte ida ne’e mak, hahu husi loron dahuluk hotu tiha merenda ADMA sira ho vontade boot halibur hamutuk iha Gym eskola S. Pedro hodi rona kona ba DB nia objetivu hodi harí Asosiasaun Devotus de Maria Auxiliadora, ne’ebe hari iha tinan 1869 iha Valdoko exatamente iha Basilika M.A ho objektivu atu: proteje ema nia fiar liu husi instrumentus ruma, ne’e mak: Domin espesial ba Eukaristia, Devosaun ba Maria Sarani sira nia Tulun no ba Amo papa, ne’ebe nudar ADMA nia Identidade lolos husi sira nia existensia iha Familia Salesiana nia laran, familia ida ne’ebe nu’udar komunidade espiritual no Karismatiku nian, ne’ebe forma husi 31 grupus ofesialmente rekonhesidu. Saida mak unifika familia salesiana mak espiritu no karisma ida deit.

(Maria Brigida de Sousa FMA)