Irmán sira nakonu ho fuan gratidaun nian agradese Madre Alma ba madre nia vizita kanónika iha komunidade St. Teresa d’Ávila-Baucau

Onesiana da Costa

Loron 8/3/2023 iha komunidade St. Teresa d’Ávila-Baucau, ami irmán sira agradese ba madre Alma nia vizita liu husi Santa Eukaristia ba madre nia tempu, pasensia no domin hodi rona no tulun irmán ida-idak liu husi diálogu hodi hafoun ema ida—idak nia empeñu moris nian iha vokasaun no misaun. Eukaristia ne’e prezide husi padre Aderito-SDB iha omilia haktuir katak ita nia moris atu agradese, iha tempu forte ne’e ita la’o nu’udar peregrine atu sa’e ba foho iha dalan konversaun nian. Husi peregrina ne’e mak ita hafoun ita nia moris no pastoral sira liu husi madre nia prezensa inan no bin nian sai mós tali uniaun ba irmán ida-idak. Hafoin kontinua ho fraternizasaun hamutuk ho Salesiano sira husi komunidade Baucau hodi hametin liu tan ami nia relasaun amizade nu’udar maun- alin iha Instituto Salesiana no serbisu hamutuk iha misaun. Ami mós agradese me. Alma liu husi drama simples ida kona ba “unidade iha diversidade” moris hanesan notas sira ne’ebé ho ton oi-oin maibé tau hamutuk sai ton ba muzíka furak ida, nune’e mós ho moris relijioza iha komunidade katak notas reprezenta ema ida-idak ho nia diversidade halo moris sai kompletu, hafoin taka ho knananuk “you’re a gift of love”. Padre sira mós komprimenta madre ho knananuk “Give thanks” nu’udar sira nia gratidaun ba madre liu husi irmán sira ne’ebé serbisu hamutuk ho sira iha misaun Salesiana no pastoral parókia nian. Hafoin tuir tradisaun Salesiana nian taka ho “buona notte” husi Me. Alma nu’udar mesajen katak ema ida-idak buka harii relasaun metin ho Maromak hodi moris iha fraternidade no sinodalidade iha serbisu sira. Nune’e husi ema ida-idak nia diversidade bele harii harmonia iha moris lor-loron.