“Serbisu no temperansa halo Kongregasaun Saleziana buras”

Padre sira Igreja nian sempre fó konsellu atu moris períodu Kuarezma nian, períodu forte preparasaun nian ba Páskua hodi kultiva orasaun, jejún no esmola. “Ita halo jejún, ita harohan, ita fó”: ne’e mak liafuan orden nian ne’ebé Sntu Ambrósio fó ba ninia sarani sira ba Kuarezma.

Maibé, iha aspetu ida ne’ebé bele karakteriza kuarezma saleziana: serbisu no temperansa.

Se ema define Don Bosco nu’udar “santu ksolok nian”, nia mós “santu serbisu” nian. Ksolok no serbisu ba nia mak binómi haketak-laek. Nia iha hanoin sériu kona-ba moris> ba nia moris la’ós passa-tempu, divertimentu, maibé empeñu sériu, serbisu.

Kona-ba ida-ne’e, iha relfesaun furak liu ida iha publikasaun husi padre Francesco Motto (Nel mondo, ma non del mondo, Elledici 2012, 125-141). Autór ne’e hakerek: “Se Don Bosco bele sai “santu serbisu nian” ne’e tanba esperiénsia todan serbisu nian nia rasik koko iha an rasik, molok nia iha kontaktu ho ida ema seluk nian… Ni ala halo de’it estájiu naruk ida estudante-traballadór molok, maibé nia mós traballadór maka’as ba nia moris tomak”.

Kiak husi moris mai, Don Bosco sente solidáriu ho masa populár sira ne’ebé nia hola-parte, ho modu partikulár foin-sa’e sira. Ba foin-sa’e traballadór sira Don Bosco hahús dedika ninia domingu sira no asiste sira, bá vizita sira durante semana nia laran iha sira-nia fatin serbisu nian. Nia hakerek iha ninia ‘Memorie dell’Oratorio’: “Enjerál Oratóriu kompostu husi pedreiru sira, sira ne’ebé hiit sasán, kahur ahu no seluk tan ne’ebé mai husi rai dook”.

Ba ninia aprendís sira nia dehan: “ Ha’u lakohi ha’u-nia oan sira sai ensiklopédiku sira; ha’u lakohi atu karpinteiru sira, ferreiru sira, sapateiru sira sai advogadu; ha’u lakohi mós atu impresór sira, enkadernadór sira no livreiru sira sai filózofu ka teólogu… Mai ha’u natón de’it atu sir ahatene didi’ak buat ne’ebé kona-ba sira”.

Iha Regulamentu ba uma sira 1887 nian, nia hakerek ba sira:“1.Ema moris atu serbisu. Apóstolu S. Paulo dehan: ema ne’ebé la serbisu labele han 2.  Serbisu katak hala’o devér kona-ba estadu rasik, iha estudu, iha arte ka profisaun. 3. Liuhusi serbisu imi bele halo di’ak ba sosiedade, relijiaun, no halo di’ak ba imi-nia klamar”. No nia fó hanoin ba sira: :Ema ne’ebé la abitua serbisu iha tempu foin-sa’e, nia sei sai ema sofá nian iha idade katuas nian, hodi la fó onra ba pátria no ba parente sira”.Oinsá halo aat tebes rona husi labarik foin-sa’e barak nia ibun ho slogan fasli: “Ita buka divertimentu bainhira sei foin-sa’e”

Serbisu no temperansa mak místika no axétika saleziana, Tanba ne’e Don Bosco hakarak funda Kongregasaun rleijiozu sira-nian “ho faru liman lulun sae” no sai modelu frugalidade nian (MB IV 192)

Temperansa saleziana la’ós de’it mortifikasaun; ne’e mak modu salezianu atu sai an raisk no moris. La’ós buka mortifikasaun ba an rasik: konseitu ne’e klaru liu iha biografia tolu ne’ebé Don Bosco hakerek kona-ba ninia foin-sa’e sira ne’ebé mate iha oratóriu. “Mortifikasaun sira ne’ebé bele mak badinas iha ó-nia devér sira no iha suporta ema seluk nia provokasaun sira” Don Bosco hakerek ba foin-sa’e ida.

Ita bele define Don Bosco nia pedagojia nu’udar “pedagojia devér nian” (P. Braido).

Moris mak ita-nia mortifikasaun. Moris katak aseita empeñu sira no renúnsia sira ne’ebé ita-nia moris raisk nia hilin ezije. Signiifka rejeita komodidade no moris konfortavel atu sai prontu atu fó buat hotu ba hotu.

Saun Francisco de Sales hakerek: “Éstaze sagrada sira iha tolu: ida intelektuál, ida seluk afetiva no datoluk operativa: ida uluk admirasaun, ida seluk devosaun, ida fali obra sira”. Ba Don Bosco vale éstaze asaun nian.