Formasaun pastoral juvenil ho referente Pastoral comunidade lokal

Zona Leste (Baucau, Venilale no Laga)

 

Loron 18-2-2023, iha komunidade St. Teresa de Ávila Teulale-Baucau,  irmán sira ne’ebé responsavel ba oratorio husi komunidade 3: B. Laura Vicunha, Madre Mazzarello no st. Teresa de Ávila hala’o formasaun pastoral juvenil ho referente pastoral lokal kona ba PJ “Colana pastoral no PJ iha komunaun n. 11,12,19” no haklean identidade FMA nudar Katekista ho ir. Julia.

Iha fomasaun ne’e tulun irmán sira atu bele la’o hamutuk iha linea pastoral juvenil tuir programasaun Ispetoria nian,iha sinodal hodi promove moris no fahe ba malu ksolok no desafiu sira kona ba oratorio no formasaun animador sira nian, hodi haktuir katak objetivu atu anima atividade pastoral iha sinodalidade ne’ebé realiza iha komunidade edukativa sira, presiza promove formasaun integral ba foinsa’e sira iha ita nia misaun hodi krea ambiente ne’ebé favoravel, nune’e ita bele metin iha abut karizma nian hodi fo valor ba evanjelizasaun liu husi katekeze. Karateristika husi ita nia pastoral mak sinodalidade no metodologia rekuinese, interpreta hili hodi komprende situasaun iha roman Capitolo Jeral XXIV hodi bele halo hili koncretu tuir ida idak ninia realidade. Pastoral juvenil tenki promove vida no mantein esperansa.

Iha formasaun ida ne’e insiste atu hatene rona foinsa’e sira no tau ema iha sentru hodi hela ho foinsa’e sira tan hamutuk ho foinsa’e no ho foinsa’e sira ita bele halo misaun diak liu tan. La to’o atu fo formasaun integral maibe tulun sira atu hetan sira nia an iha sosiedade katak tulun sira atu bele deskobre sira nia vokasaun. Tulun foinsa’e sira atu brani foti desisaun ba sira nia futuro hodi deskobre katak sira nia vida mak presente ida husi Maromak ba misaun ida.

Momento daruak madre konvida ami atu haklean kona ba webinar nebe liu ona kona ba “identidade no evanjelizasaun Instituto FMA” husi ir. Guadalupe Chavez (2022), hodi tulun irmán sira atu konxiente kona ba identidade FMA nudar katekista. Se ita eduka foinsa’e sira ba sarani no cidadaun diak ne’e katak Katekese mak momentu principal iha ita nia misaun.

Evanjelizasaun mak notizia ksolok nian kona ba ema ida no ho ema ida mak Jesus, se ita la hasoru malu ho Jesus ita la bele lori Jesus ba labarik no joven sira. Nune’e ita halo enkontro no formasaun barak maibe falta oportunidade nebe oferese ba sira atu halo esperiensia konkreto ita labele tulun sira atu hametin sira nia relasaun ho Jesus. Esperiensia bele liu husi proposta serbisu misionario, volontario hodi sai joven apostolo ba joven. Se FMA ida la tulun foinsa’e sira atu deskobre sira nia vokasaun mak ita la serve ba misaun. Iha formasaun ida ne’e dada maka’as atensaun kona ba domin ba katekese. Hodi hatene katak ita nia familia DB hahu ita nia misaun ho Bartolomeu Garelli hodi katekese simples ida, reza Ave Maria ida. Nune’e formasaun ida ne’e tulun irmán sira atu fo valor liu tan ba katekeze iha misaun sai evanjelizadora.

Ikus, irmán sira aprezenta komunidade ida-idak nia projetu oratorio ba tinan ida ne’e nian, hodi rona, kompleta no tulun malu iha dezafiu sira, nune’e bele realiza ho laran manas ho espiritu salesiano nian iha ida-idak nia misaun, tuir nesesidade no situasaun ne’ebé enfrenta hodi to’o iha katekeze nia objetivu ikus nian atu labarik no foinsa’e sira bele sai santu. Iha atividade misaun nian nafatin la’o hamutuk ho Kreda nia preukupasaun hodi promove mós Laudato si nia objetivu 7 no kompromisu 7 husi patto educativo global atu sensibiliza labarik no foinsa’e sira nia moris hodi tau-matan ba ekolojia no eduka sira tau-matan ba sira nia ambiente rasik nune’e sira bele konxiente ba Maromak nia liman fatin iha natureza no Nia domin ba ita ema. Nune’e formasaun pastoral mak momentu ne’ebé a tulun malu atu hamanas fuan no hanoin pastoral, hodi sai presenza nebe fo moris no jenerativa iha misaun.