Venilale –  17 Fevereiru,  Ohin loron datoluk  novena ba Maria Tulun Na’in.  Iha loron ne’e mos  Sua Eminência Don Virgilio do Carmo da Silva SDB, inagura no fó bensaun fatin turístiku relijiozu iha foho Ariana iha ne’ebé ilas Na’i Feto Maria Auxiliadora hamriik ba. Ilas Nai Feto Maria Auxiliadora iha foho Ariana halo ona ba tinan 36, maibé tan hetan apoiu husi Ministério  Turismo Comercio no Industria hodi hadiak fatin Ariana; liuliu halo eskada no tau besi atu hafasil peregriñu sira bele to’o iha Ita Inan Doben ho di’ak. Aleinde ne’e,  halo mós altar atu bele selebra Eukaristia santa iha fatin ne’e iha fulan Marianu. Nune’e, prezente mos membru governu balun hamutuk ho autoridade lokal hodi inagura fatin ne’e.

Iha omilia, Sua Eminência husu ba sarani sira liuliu ba joven sira, atu sai monumentu moris Maria nian ne’ebé hatene rona no hare ema seluk nia presiza. Liuliu halo tuir Maromak nia hakarak no iha hakarak atu halo di’ak ba ema seluk.