Papa Francisco nia lia-menon iha Domingu 12 Fevereiru 2023.

Maun no biin-alin sira,  buongiorno!

Iha Evanjellu ohin nian Jezús dehan: «Imi keta hanoin katak ha’u mai atu halakon Lei ka Profeta sira; ha’u la mai atu halakon, maibé halo sai tuir loloos» (Mt 5,17). Halo sai tuir loloos : nele mak liafuan xave atu komprende Jezús no ninia mensajen. Maibé sá loos signifikadu “halo sai tuir loloos”? Atu epslika, Nai hahú hosi dehan katak sá la’ós halo tuir loloos. Eskritura dehna “keta oho:, maibé ba Jezú sida-ne’e la to’o se depois ita hakanek maun-alin sira ho liafuan sira; Eskritura dehan “keta halo adultériu”, maibé ne’e la to’o se depois ita moris domin ida foer ho mori soin rua no falsidade; Eskritura dehan “keta jura falsu”, maibé la to’o halo juramentu solene se depois ita moris ho ipokrizia (kf Mt 5,21-37). Ida-ne’e la’ós moris tuir loloos.

Atu fó ezemplu konkretu isa, Jezús konsentra iha “ritu oferta nian”. Hodi halo oferta ida ba Maromak ema hatán ba Ninai don sira nia grstuidade. Ne’e mak ritu ida importante liu – halo oferta ida atu fó hikas ho modu simbóliku, ita dehan nune’e, gratuidade ninia don sira-nian –, importante liu tan ne’e bandu atu interrompe se la’ós tan motivu grave sira. Maibé Jezús afirma katak tenke interrompe se iha maun-alin ida kontra ita, atu bá uluk hadame malu ho nia (kf vv. 23-24): nune’e de’it mai ritu mak halo tuir loloos ritu ne’e. Mensajen fó sai momoos: Maromak hadomi ita uluk molok ita, gratis, hodi halo ain-hakat dahuluk mai hasoru ita maski ita la merese; nune’e ita labele selebra ninia domin hodi la halo, husi ita-nia parte ain-hakat dahuluk atu rekonsilia an ho ema ne’ebé hakanek ita. Nune’e mak iha Maromak nia matan ita halo tuir loloos, se lae, observánsia esterna, rituál de’it, la folin ida, sia finjimentu ida. Iha liafuan seluk, Jezús halo ita komprende katak norma relijioza sira serve, di’ak, maibé ne’e mak inísiu de’it: atu halo tuir loloos presiza hakat liu lifuan no moris ninia sentidu. Ukun-fuan sira ne’ebé Maromak haraik mai ita labele taka metin iha kofre besi observánsia formál nian, se lae sai relijiozidade esteriór no haketak an nian, atan ba “maromak patraun “ ida duké oan sira Maromak Aman nian, Jezús hakarak ida-ne’e: keta iha ideia serví Maromak patraun, maibé Aman; no tanba ne’e presiza hakat liu liafuan iha lei.

Maun no biin-alin sira, problema ida-ne’e la’ós de’it iha Jezús nia tempu, iha mós ohin. Dalaruma, porezemplu, ita rona ema dehan: “Padre, ha’u la oho, la na’ok, la halo aat ba ema ida…” hanesan atu dehan: “Ha’u tuir loloos:, Ne’e mak observánsia formál, ne’ebé kontente de’it iha mínimu indispensavel, enkuantu Jezús konvida ita ba másimu posivel. Katak Maromak la hanoin ho kálkulu no tuir tabela sira; Nia hadomi ita hanesan ema apaixonadu ida; lae ba mínimu, maibé ba másimu!  Nia la dehan: “Ha’u hadomi ó to’o pontu ida!” Lae, domin loos la to’o de’it iha pontu ida no nunka sente loos ona; domin nafatin hakat liu, labele la halo nune’e. Na’i ne’ebé hatudu ida-ne’e mai ita hodi saran moris iha krús no hodi perdua ema sira ne’ebé oho nia (kf Lc 23,34). No nia konfia mai ita ukun-fuan ne’ebé nia fó importánsia: atu ita hadomi malu hanesan Nia hadomi ita (kf Jo 15,12). Ne’e mak domin ne’ebé halo tuir loloos Lei, tuir fiar, tuir moris loos!

Nune’e, maun no biin-alin sira, ita bele husu: oinsá ha’u moris tuir fiar? Ne’ mak kestaun ida kálkulu nian, formalizmu nian, ka istória ida domin nian ho Maromak? Ha’u kontente de’it atu la halo aat, atu hatuur loloos ha’u nia oin, ka ha’u buka atu sai buras iha Maromak nia domin no domin ba ema seluk? No dalaruma ha’u avalia kona-ba Jesús nia ukun-fuan boot, ha’u husu se ha’u hadomi maluk sira nu’udar Nia hadomi ha’u? Tanba karik dalaruma ita la fleksivel hodi julga ema seluk no ita haluha tiha atu sia mizerikordiozu, hanesan Maromak halo ho ita.

Maria, ne’ebé moris tuir ho modu perfeitu Maromka nia Liafuan, tulun ita atu halo tuir loloos ita-nia fiar no ita-nia karidade.