SÁBADU EKOLÓJIKU

Husi: Jacinta Gusmão

Dili, 4 Fevereiru 2023

Komunidade Edukativa Eusebia Palomino / EBC – Maria Auxiliadora nian, iha ninia programasaun tinan 2023, kontinua hala’o dalan atu implementa Deliberasaun Kapitulár da-23 hanesan haktuir iha kraik:

Asembleia Kapitulár husik
foin-sa’e sira,
kiak sira no Rai nia hakilar interpela nia
no hakotu lia atu envolve Institutu tomak
iha dalan konkretu no kontinuu konversaun nian ba ekolojia integrál,
hodi asume Laudato si’ nia objetivu hitu, iha rede
no ho Sistema Preventivu nia estilu.

Atividade ida ne’ebé hala’o husi kedas tinan 2022 mak “Sábadu ekolójiku”, katak, dedika sábadu dahuluk fulan nin ba limpeza hale’u ambiente eskola. Atividade ne’e la’ós de’it atu halo labarik no adolexente sira aprende hamoos ambiente, maibé mós sensibiliza komunidade sira iha sorin-sorin atu aprende toman di’ak hamoos ambiente nian, hodi la soe lixu ka foer arbiru. Difisil atu muda kakutak no hahalok toman aat nian maibé, ita espera buat di’ak. It ahein jerasuan foin-sa’e sira aprende valór sira Papa Francisco hameno iha ensíklika Laudato Si’ no ikusmai muda jerasaun sira tuirmai.

Estudante sira fahe ba grupu tuir Asosiasaun no grupu interese no bá hamoos fatin sira-ne’ebé indika ba sira-nia grupu atu hamoos.