Agostinha Magno FMA & Zelia Lemos FMA

Beata Laura Vicuña Laga, 01 Fevereiro de 2023

Loron, 30 de Janeiro to’o dia 01 Fevereiro de 2023, Orfonato Beata Laura Vicuña Laga simu vizita ba dala uluk Ir. Isabel Gomes Timor-aon ne’ebé sai misionaria iha rai Brasil, ho músika Bemvinda nian iha lian Português.

Ho vizita ida ne’e Ir. Isabel hakarak fahe ho internato no Irmã sira iha komunidade, kona ba ninia misaun pratika iha rai misaun, iha Inspetoria Madre Mazzarello Belo Horizonte-Brasil, Estado Goias (GO). Ir. Isabel hamutuk ho nia Irmã nain tolu no ho Edukadores balun serbisu iha Obra Sosial Padre Giovani Pini hodi tau matan ba labarik no adolescente sira  hamutuk nain 262. Entre labarik sira ne’e balun non-Católico;  atividade ne’ebé sira hala’o mak hanesan: Prátika Disportivo, Promosaun Kultural no Formasaun Humana.

Ikus mai Irmã Isabel Konvida direita Internato sira atu “Estuda didiak, brani hatan ba Maromak nia bolu, hodi sai Voluntario ka moris relijioza atu serbi no ajuda iha rai misaun”.

Liu husi Ir. Isabel nia sasin laran manas nian, hodi fahe esperiensia iha rai misaun ida ne’e, bele atrai liu tan internato sira atu sai badinas liu tan iha sira nia kna’ar loro-lorn nian ho domin no ksolok hodi prepara-an ba futuru.