Adelaide G. F. Almeida.

Balide, Loron, 29 Fulan Janeiro 2023, Komunidade São João Bosco  hamutuk ho Familia Saleziana selebra antisipada Festa São João Bosco, Fundador Kongregasaun Saleziana, aman no mestre ba foinsa’e sira no iha momentu ne’e sai mós Mahein ba Komunidade ida ne’e. Festa hahu ho Selebrasaun Eukaristia ne’ebé selebra husi Pe. Agostinho Soares, SDB. Iha Omelia Pe. Agostinho hateten : ” Atu hetan ksolok no santidade presiza moris tuir Maromak nia hakarak no Ninia Ukun fuan domin. Ksolok ne’e hetan nia realizasaun kompletu iha moris rohan la’ek. Ohin mós ita hanoin kona ba Don Bosco, nia bele fo ezemplu di’ak mai ita: sai ema ne’ebé pasiensia iha moris, hatene mehi buat ruma di’ak, mehi sai ema ne’ebé folin hodi kontribui buat ruma ba familia, sosiedade no nasaun.

Festa kontinua ho animasaun, jogus, aprezentasaun dansa, kanta, no drama husi grupu oi-oin. Hafoin taka ho almoço hamutuk.

 

Viva Don Bosco

Viva Familia Salesiana!