Libanha Moniz

Dili, Comoro 23 Janeiru 2023.

“Imi sei  hadomi malu nu’udar Ha’u hadomi imi”

 

Ho fuan ne’ebé nakonu ho ksolok mai ita hahi no agradese ba Maromak buat hotu nia nain, ba grasa vokasaun nian ne’ebé haraik tan ba ita-nia instituto. Sira ne’e mak postulante: Abiuda Monteiro dos Dos Reis, Geralda Soares da Conceição no Meliana Soares Dau Bui. Ohin hahu sira nia etapa foun formasaun nian iha novisiado. Mai ita suporta no akompaña sira nafatin iha ita nia orasaun atu sira fiel no hametin liutan sira nia domin ba Jesus tuir Maromak Nia planu hodi moris tuir karisma Don Bosco no Madre Mazzarello nian.

Madre Alma mos hato’o nia mensagen ba sira:

Husi momentu ne’ebé  imi komesa imi-nia reflesaun, imi-nia dixernimentu kona ba dalan ida ne’e, dala ruma hetan susar, dala ruma iha descoragen, dala ruma desanima maibé imi metin iha ne’e. Se metin iha ne’e dehan katak tebes iha imi-nia dixernimentu imi hanoin buat ne’e : La’os ha’u mak fihir maibé Maromak,  tamba se ha’u mak fihir buat ida la la’o tuir ha’u nia Hanoin ba uma.

Agora imi iha ne’e metin, nune’e ha’u hanoin Maromak mak bolu imi. Agora, iha momentu ida ne’e, iha tempu ida ne’e haklean relasaun nian la’os nu’udar atan, atan nia na’in dehan; mai iha ne’e, ba ne’eba, ba saida, nia  obedese maibé laiha ksolok. Jesus dehan: Ha’u bolu imi atu fahe Ha’u nia ksolok tamba Nia ita nia belun, agora iha tempu ida ne’e ita le’e tiha ona saida mak imi tenke halo iha noviciado, aspetu ida ne’ebe importante liu mak sai belun metin ho Jesus atu prepara sai Ninia noiva maibé komesa  ho relasaun klean no konfiansa nian.” Imi hadomi malu nu’udar Ha’u hadomi imi ”. Nune’e komunidade tulun imi atu bele moris tuir ukun fuan domin nian.

“Korajen ba oin nafatin, Na’i hamutuk nafatin ho imi ”.