Adelaide G.F. Amaral

Dili, 23 Janeiru 2023

“Jezús lia tun ba sira dehan: Imi mai, ita la’o ba fatin fuik ida atu tuur no deskansa oituan” (Mc 6,31)

Hahú husi loron 16/01 to’o loron 23/01 tinan ida ne’e, Irmán sira grupu dahuluk hamutuk nain 30, hala’o ezersísiu espirituál iha Komunidade São José Noviciado no salaun TOT Sentru João Paulo II, Comoro, ho Pregadór Pe. António Transfiguraçāo, SDB no Me. Alma, FMA.

Ezeríisiu espirituál ne’ebé realiza durante semana ida, simu kbiit husi ai-han espirituál Kristu Futar Isin iha Eukaristia, Sakramentu Rekonsiliasaun, Liturjia Oras nian, Adorasaun, Konferensia, Boanoite, Kolókiu no reflesaun pesoál.

Hanesan Me. Alma haktuir iha loron dahuluk ba introdusaun retiru nian, hateten: ” Momentu retiru mak momentu atu husik buat hotu, iha aten brani atu para iha aspetu fíziku no livre husi hanoin sira, fo tempu ba Maromak, rona Nia, liu husi Futar Liafuan no hatene lee situasaun sira ho sabedoria Evanjellu nian, hodi tau abut kle’an iha Maromak.”

Ezersísiu espirituál mak tempu di’ak ba rekarga espirituál, renovasaun interiór, iha klima silénsiu no orasaun nian, halo konfrontu vitál ida ho Maromak nia Liafuan no ho Konstituisaun sira  (kf Reg FMA 33), atu hetan kbiit foun hodi sai Komunidade ne’ebé fó moris no sai fermentu Santidade nian iha realidade ohin nian ne’ebé karakteriza ho dezafiu oioin.

Retiru remata ho Selebrasaun Eukaristia iha loron 23 Janeiru hodi halo renovasaun votu ba Irmán Juniora na’in 5. “Boa Ressureição, Parabéns e Boa Continuação” ba Irmán sira hotu.