Venilale – Nu’udar ita hotu hatene katak eskola iha Timor laran hahú simu estudente foun sira no profesores sira hala’o orientasaun ba estudente sira ne’e tama ba premeiro ano eskola  sekundaria –nian. Iha orientasaun ne’e iha atividade oinoin ba sira halo, ida mak espiritual no moral. Nune’e husi Eskola Sekundaria Publika Venilale nian konvida Me.Lucia Pereira, FMA, hodi fó formasaun espiritual-moral. Nune’e topiku ne’ebé Madre Lucia lori mak bazeia Estreia 2023, ne’ebé  Retor Mor Don Angel Fernandes Salezianos sira nian fó sai ba familia saleziana no ba foin-sa’e sira iha mundu salezianu ho tema: SAI FERMENTU BA UMANIDADE IHA MUNDU OHIN NIAN.Estudente sira mais ou menus 200 liu

Iha konferensia ne’e Me. Lucia subliña liu ba ingrediente tolu (3) ne’ebé Don Bosco fó ba San Domingos Savio nu’udar ingrediente justu atu to’o iha santidade, mak: HAKSOLOK, HALO KNAAR DIDI’AK NO HALO DI’AK BA EMA SELUK. Iha enkontro ne’e haree katak joven sira kontente liu no sira hakarak atu debate ho Me. Lucia maibé tempu limitadu liu nune’e sira la konsegue husu perguntas.

Hotu tiha konferensia profesor/a sira agradese Me. Lucia, ba ninia disponibilidade hodi bele tulun ona sira-nia estudente sira.

(Lucia Pereira FMA)