Loron mundial OPIAM

Ohin iha mundu tomak OPIAM (Obras Pontificia Infancia Adolocensia Missionaria) selebra Festa ne’ebé harii husi Amo Papa Pio XII iha tinan 1950 liu ba. Nu’udar Kreda, hili Festa Epifania do Senhor ka Festa Jesus hatudu-An sai loron mundial ba OPIAM sira hotu tanba Jesus ne’ebé Maromak Santo moris nu’udar Kosok Oan ida, maibe Nia kbiit wain, hodi hatudu-An ba ema matenek sira ne’ebé mai buka Nia no oferese ba Nia sira nia rikusoin no murak mean ba Jesus.

Iha centru Cassa OPIAM sira selebra Festa ida ne’e hamutuk ho sarani sira iha Eukaristia Solene Epifania do Senhor. OPIAM sira mak responsavel ba koru no lee leitura sira. Iha homilia padre Armindo Brito dehan: OPIAM mak obras Amo Papa nian iha kreda ne’ebé labarik no adolosente sira mak sai protagonista atu haklaken Kristu ba ema seluk liu-liu maluk labarik sira. Iha kreda nia laran OPIAM sira iha sira nian misaun no vizaun rasik katak misionaria (labarik tulun labarik). Ho esperansa katak ho OPIAM sira nia prezensa iha kreda sai tulun bo’ot tanba fiar ne’ebé simu iha Batismu sei moris no buras bainhira otas hanesan labarik sira hakas-an atu fo han fiar ida ne’e husi aktividade sira kreda nian, nune’e bainira sira sai joven no adultu ona sira rasik sai sinal fiar no esperansa iha fatin ne’ebe sira moris ba. Depois de selebrasaun Eukaristia OPIAM sira hamutuk ho sira nia animadora ir. Teresa de Carvalho FMA  komprimenta padre paroku pe.Armindo Brito, madre sira, inan-aman sira no kolega sira seluk ne’ebé partisipa iha selebrasaun Solene  ida ne’e.

Abertura oratorio S. Domingos Savio Cassa

Iha loraik ami irman sira, animadora sira no oratoriano tuan sira haksolok tebes hodi halo abertura ba aktividade oratorio iha ami nia centru.

Atividade sira ne’ebé ami halao mak tuir mai ne’e:

Halo pawai haleu bairu vizinhu sira hodi konvida fali maluk oratorianu sira atu mai fali tuir aktividades iha oratorio.

Fila husi pawai animador sira entusiamu tebes hodi anima oratoriano sira ho dansa sira no halo jogus lao ho balaun. Molok atu fahe malu ir.Sebastiana Soares FMA hato’o ninia mensagem ba oratoriano sira: Ohin ita selebra Solenidade Epifania do Senhor Maromak hatudu-an ba ema liu husi ema matenek nain 3: Baltazar, Gaspar no Melquior ne’ebé mai husi lorosa’e buka Jesus Kosok Oan hodi oferese ba Nia sira nia rikusoin tanba sira hetan ona Maksoin konvida ita ida-idak atu sai sinal fitun esperansa nian hodi haklaken Kristu iha ita idak-idak nia familia no sociedade nune’e Natal kontinua moris iha ita nia moris lor-loron nian.

(Domingas da Silva FMA)