Dili – Loron 8 Janeiru mak Loron Solenidade Epifania nian no sai mós Loron Mundiál Infánsia no Adolexénsia Misionária nian. Loron ne’e mak okaziaun ida atu fó apoiu ba labarik mundu tomak nian, lahó distinsaun, liuhusi Fundu Universál Solidariedade nian POM nian, atu misionáriu sira bele uza ba obra sira ba ki’ik-oan sira.

Ora Infánsia no Adolexénsia Misionia (OPIAM) propin atu dezenvolve iha labarik no adolexente sira espíritu no protagonizmu misionáriu, enkoraja sira atu partilla fiar no meiu materiál sira, liuliu ho labarik sira ne’ebé presiza liu, promove no apoia vokasaun misionária ad gentes. Obra ne’e mós mak instruemntu ida kreximentu fiar nian, no mós iha perspetiva vokasionál no tulun edukadór/a sira hafanun progresivamente konxiénsia misionária universál.

OPIAM parókia Maria Auxiliadora (Dili) atu selebra loron ne’e, labarik sira ne’ebé prezente, hamtuk na’in sanulu-resin-neen no Irmán Laura no Luisa halo atividade ruma. Uluknanai sira halo orasuan ho Maromak nia Liafuan, aprende halo Lectio Divina, hafoin halo merenda hamutuk no tuirmai halo asuan karidadela’ós ba labarik maibé ba ferik-katuas uma-kain rua ne’ebé hela mesak.

Liuhusi atividade sira-ne’e, labarik no adolexente hakle’an sira-nia hakarak atu buka Jezús hanesan Magu na’in tolu, hametin fraternidade no pratika karidade misionária. Família rua ne’ebé sira vizita, tebes duni presiza tulun, liuliu avó-feto ida ne’ebé família la tau matan. Labarik sira entuziazmu no badinas tebes atu tulun maluk sira-ne’e.

(Redasaun – Laura Pompeia FMA)