Komunidade Madre Rosetta Marchese, Cassa-Ainaro.

Enkontru programasaun komunidade.

Iha loron 4 fulan Janeiro 2023, nu’udar komunidade ami irman no klaboradora sira halibur hamtuk hodi halao programa/projetu komunidade ba tinan 2023 nian; enkonrtu ida ne’e nu’udar enkontru dahuhuluk hamutuk ho kolaboradora sira iha komunidade foun ne’e. Enkontru hahu ho orasaun badak, tuir mai tama kedas ba aprezenta lala’ok enkontru nian husi ir. Sebastiana Soares FMA nu’udar Diretora komunidade.

Atu ita nia misaun apostolika fo fuan barak ho kontinuidade mak hanesan Fundador hanorin hela mai ita atu moris tuir nafatin regra santa ne’ebé trasa ona iha ita nia Konstituisaun FMA liu-liu iha artigo 67 ne’ebé dehan “atu asaun apostolika fo fuan barak, komunidade edukativa tenki partisipa ho ativa no responsavel no moris iha komuniaun ideal sira nian ne’ebé nia haklaken, sensivel ba apelu sira kreda nian no ambiente social no iha atensaun ba valor ema idak-idak nian”.

Iha grupu laran ami hakas rona malu no simu malu ideia husi kolaboradora sira tanba sira mak kuinese liu realidade ambiente Cassa nian; nune’e halo sai fasil ami nia programa komunidade nian. Ikus nu’udar komunidade ami agradese ba sira nia prezensa no kolaborasaun hodi realiza ona enkontru ne’e; ita hotu hakas-an bahuras ita nia moris espiritual nian liu husi sakramentu sira, reza hamutuka,fo sasin iha familia no estuda hamutuk materia sira ne’ebé mai husi sentro nune’e haforsa liutan ita nia kapasidade no kreatividade atu ba hasoru maluk sira seluk iha ita nia ambiente laran.

(Domingas da Silva)