Hatubuiliku – Hahú iha loron Sabado lorokraik, dia 31-12-2022 to’o loron Domingo, dia 1-1-2023, Irma na’in 4 (Ir Aurea no Ir Libania husi Kom. Novisiado no Ir Maria Bernardina no Ir Adelaide husi Kom. Balide) hamutuk ho Pe. Paulus Maya Pr, hala’o apostolado iha Paroquia Hatubuiliku ba loron rua hodi selebra Missa agradesimentu taka tinan no hahu tinan foun nian iha Paroquia Nossa Senhora da Graca Hatubuiliku, Kapela Nossa Senhora de Fatima Suku Liurai no Kapela Santo Inacio de Loyola Airame. Apresia no admira tebes ho Sarani sira nia fiar iha fatin hirak ne’e tamba maske ho klima anin, udan no abu-abu la sai impedimentu ba sira atu mai hamutuk atu hasa’e agradese ba Maromak liuhusi Selebrasaun Eukaristia. Aproveita oportunidade furak ida ne’e, Irmans sira hala’o mos promosaun vokasional ba Foin-sa’e sira. Boas Entradas no Feliz Ano Novo ba Ita hotu!

(Adelaide FMA)