Teulale- Baucau, 30/12/2022. Ho festa Sagrada Familia nian, ami irmán sira selebra hamutuk ho ami nia familia hodi hametin ami nia relasaun domin no unidade nian nu’udar inan-aman, bin-maun-alin hodi fahe ksolok no domin ba malu iha festa ida ne’e. Misa hamutuk ho sarani sira iha Parókia St.António-Baucau, ne’ebé preside husi padre Aderito,(SDB) iha nia omilia dehan: festa ne’e mak hatudu familia nia uniaun no fidelidade ba malu hodi serbí malu no ema seluk liu husi; ksolok, domin, nesesidade iha moris no ba kreda.

Depois de misa familia irmán sira nian mai hamutuk iha komunidade no irmán sira simu ho knananuk bemvinda nian. Hafoin kontinua ho formasaun kona ba Streia Retor-Mor-don Angel Fernandes (SDB) nian “sai fermentu ba umanidade ohin loron ” ne’ebé preside husi ir. Josefa Marques, nia haktuir katak oinsa atu fo valor ba ema ida-idak nia fermentu ne’ebé halo masa trigu nian sa’e. Fermentu ne’e mak ita nia hahalok, liafuan, kna’ar ka ida-idak nia profisaun. Bainhira halo didi’ak ita nia kna’ar sira, ne’e mak ita nia fermentu ne’ebé fó tulun ba ema seluk atu ema seluk bele hetan di’ak ruma husi ita nia prezensa. Hafoin kontinua ho han hamutuk fraternizasaun nian nu’udar familia. No ikus remata ho jogus bazeia ba “Estreia”no komprimenta malu ho muzíka oin-oin Natal nian.

(Onesiana da Costa FMA)