Dili – Loron 9 Fulan Dezembru tinan 2022. Hamutuk ho estudante finalista Kursu komputer Balide hasa’e asaun de graca molok sira simu sertifikadu. Depois de Misa. Diretora da Casa Ir. Angelita Gomes, FMA hato’o liafuan Bemvinda ba Konvidadu, inan-aman graduadu sira nian.

Tuir Diskursu badak husi Diretora Geral do Cursu Computer Balide nian Madre Alma Castagna Provincial TIN. Hodi hato’o parabens ba estudante finalista sira hodi husu Sira kontinua dezenvolve abilidade hotu ne’ebe sira simu durante ne’e husi Sentru.

Depois tuir tan  Diskursu badak husi  INDMO Sra. Isabel Delima, hato’o parabens ba estudante graduadu sira ne’ebe durante ne’e tuir Formasaun iha Sentru Ida ne’e. Ho mensajen ne’ebe importante ba  foinsa’e sira hodi dehan : foinsa’e Sira ha’u agradese tanba imi Mai tuir ona Formasaun iha Sentru ne’e. Ha’u husu atu imi aproveita didi’ak Formasaun hotu ne’ebe imi hetan ona hodi dezenvolve liutan imi nia abilidade iha Fatin servisu ne’ebe imi sei ba. Se imi halo di’ak, imi kontribui ba Sentru ne’e nia di’ak, se imi la halo di’ak, imi estraga Sentru Nia Naran. Tan ne’e aproveita didi’ak liutan hodi halo di’ak ba imi Nia futuru. sra.Diretora INDMO nian hatutan Tan katak oferese nafatin ba imi foinsa’e sira oportunidade atu ba serlvisu iha rai liur husi Sentru Formasaun ne’ebe hetan ona akreditadu.  Agradese mos tanba Sentru Formasaun ida ne’e bele kolabora ona ho INDMO tuir Padraun kompetensia ne’ebe fo sai. Dala Ida tan parabens no kontinua sai modelu diak iha sosiedade husi Formasaun ne’ebe imi hetan ona.

(Honoria dos Santos FMA)