TEMA

Iha Solenidade Imakulada Konseisaun, ita simu konvite atu tetu tipu resposta nian ne’ebé ita fó ba Maromak nia dezafiu sira. Hodi propoin nia ezemplu Maria Nazaré, liturjia konvida ita atu simu, ho fuan nakloke no disponível, ba Maromak nia planu no ba mundu.

Leitura daruak garante ita katak Maromak iha projetu moris nakonu, loos no totál ba mane no feto ida-idak, projetu ida ne’ebé hori uluk kedas nafatin iha Maromak nia planu. Projetu ne’e, aprezenta tiha ona ba ema sira liuhusi Jezús Kristu, no ezije husi ita ida-idak resposta ida ne’ebé desidida, totál no lahó hanoin seluseluk.

Leitura dahuluk, hodi uza imajen mítika Adaun no Eva nian, hatudu saida mak akontese bainhira ita rejeita Maromak nia proposta sira no prefere mak dalan sira egoízmu nian, orgullu ka foti-an nian no autosufisiénsia nian… Moris dook husi Maromak inevitavelmente lori atu liu husi dalan sofrimentu nian, destruisaun nian, tristeza nian no mate nian.

Evanjellu aprezenta Maria nia resposta ba Maromak nia planu. Kontráriu husi Adaun no Eva, Maria rejeita orgullu, egoízmu no autosufisiénsia no prefere halo nia moris tuir Maromak nia planu sira, ho forma totál no radikál. Husi nia “sim” totál, rezulta salvasaun no moris nakonu ba nia no ba mundu.

Download