Loron 2/12/2022, bem-vinda madre Ermelinda da Silva, iha komunidade St. Teresa d’Ávila- Baucau.

Ami irmán sira haksolok tebes hodi simu madre Ermelinda da Silva, iha komunidade St. Teresa d’Ávila- Baucau, hamutuk ho labarik sira hodi Simu ho dansa kultura nian, hafoin kontinua ho orasaun; hodi entrega ba Maromak kna’ar foun ne’ebé madre sei hala’o nu’udar diretora hamutuk ho irmán sira iha misaun komunidade nian, hodi sai inan no bin ba irmán sira, ba labarik no foinsa’e hotu ne’ebé hola parte iha komunidade nia misaun. Hanesan Madre Mazzarello dehan: ida ne’ebé sai superiora lo’os iha komunidade mak ita Nain Feto no ha’u sai nia vigaria de’it atu tau matan ba ha’u nia irmán maluk sira no mós ba labarik no foinsa’e sira ne’ebé Na’i entrega iha misaun komunidade nian. Tuir mai madre Alma entrega KRUZ ba madre ho modelu fatuk musan ne’ebé haleu ho nia sentidu katak musan ne’ebé kiik hanesan fini musan ne’ebé Jesus kari, iha mós kor oi-oin katak iha moris lor-loron nian iha nia susar maibé mós iha ninia ksolok nune’e labele hateke de’it ba fatuk musan ida-idak ho Kruz maibé hanoin ba katak iha KRUZ iha JESUS. Hamutuk ho Jesus ita bele halo buat hotu maibé la ho Nia ita labele halo buat ida. Ita nia moris nafatin hasoru susar ne’e mak ita nia kruz no husi susar ita bele aprende tanba hamutuk ho Nia no Nia mak ita nia ksolok, tan ne’e moris mós nafatin iha nia ksolok.

(Onesiana da Costa FMA)