Baucau – Ohin, 30 Novembru 2022, loron selebra tinan 25 harii Dioseze Baucau.

Iha loron ksolok ida-nee sarani barak husi Diocese Baucau no mós Diocese rua seluk Maliana no Dili, ho Bibi Atan nain rua Don Virgilio do Carmo Cardeal no Don Norberto do Amaral, Amululik sira no Relijiozu/a sira halibur hamutuk hasae hahi no agradese ho Misa Solene ba Aman Maromak Nia domin no laran sadia ba Nia povu liu husi Dioseze noa moris durante tinan 25 nia laran. Iha tempu hanesan Fr.Justino Aquino Pinto simu nia Ordenasaun Dioconal.

Prezide selebrasuan mak Don Norberto do Amaral ne’ebé iha omilia husu ba sarani sira atu moris tuir atitude Saun Jose nian:   Aman fiar nain no obediénsia nian, Aman servisu nain ho laran moos no Aman orasaun nian no kontemplativu. Nuudar Bibi Atan Don Norberto agradese ba ema hotu: Husi Son Basilio do Nascimento matebian, Nailulik sira neebe saran ona sira nia moris ba Maromak liu husi Dioseze no mos Ajentes Pastorais sira hotu neebe fo ona sira nia moris no kontribuisaun ba servisu Nai nian liu husi Diocese Baucau, hahu husi inisiu too agora.

(Domingas FMA)