Husi 3-21 Novembru,  Irmán Ekonoma nain Sanulu Resin Sia (19) ne’ebé mai husi nasaun oi-oin halibur hamutuk iha Roma. Formasaun ne’e organiza husi Me. Ena Bolanos ne’ebé nu’udar Ekonoma Jeral Istitutu Filhas de Maria Auxiliadora nian no ekipa Administrasaun. Hahu ho abertura husi Madre Geral  rasik Me. Chiara Cazzuola, FMA.  La Madre ofisialmente loke enkontru ne’e hodi espresa nia ksolok no hein katak enkontru formativu ne’e bele hariku ekonoma sira no aumenta sira nia kompetesia.

material ne’ebé aprezenta husi parte relijiozu/a nian mak Dom Pascual kona ba “Salesian leadership in changing times; Sr. Grazia Loparco koalia kona ba “Sinodalidade no Servisu”; Sr. Kanna koalia kona ba “Direito Canónico”; no mos husi leigo/a sira ne’ebé esperta iha parte Ekonomia aprezenta tema hanesan sustentibilidade iha Kreda, economia de Papa Francisco, Laudato sí no seluk tan.

Husi ambito administrasaun apresenta materia ne’ebé base ba livro linea “Orientamenti per la Gestione”, hanesan abut karismatiku no administrasaun finansial, gestão contebilidade nian, Plataforma, adminitrasaun no patrimonio, Bem Comum, Divina Providência, Vides no seluk tan. Enkontru nakonu husi dader to’o kalan, para ituan ba almoço no deskansa deit, no taka iha kalan ho Buona Note husi Madre Konsileira oi-oin. Enkontru ne’e inserta mos ho okaziaun ba vizita Roma, Vizita Casa Teresa Valse no Auxilium no halo dialogo ho ekonoma iha fatin sira Irmán sira estuda ba. Iha loron 25-26, ami halo vizita fatin karismatiku sira hanesan: Mornese, Nizza, Turin no seluk tan nu’udar parte selebrasaun 150 Anos Fundasaun Istituto Filhas de Maria Auxiliadora nian. Durante loron iha momentu orasaun, reflesaun, laboratorio no servisu grupo. Ami mos rekreio hamutuk ho Madre Geral no Madre Consilheira sira.

Agradese wain Maromak no Istituto ne’ebé fo oportunidade atu haklean koñesimentu no haburas liu tan laran manas ba misaun Istituto nian. Bukae sira ne’ebé ami hetan sei lori ami halao misaun ne’ebé ami simu ho ksolok no domin.

Lanny Ganda, FMA.