KONGRESU III ADMA TIMOR-LESTE

Loron:            18 – 20 de Novembro 2022

Fatin:              Santuario Nossa Senhora Auxiliadora – Fatumaka

Tema:           “Hanesan Maria Ita la’o ho Jesus”.

Total kongresistas ba kongresu ida ne’e hamutuk 335. Entre totalidade ne’e iha 102 membru foun ne’ebe halo sira nia promesa ba dala uluk iha Misa Enseramento nia laran.

Dia 18 de Novembro loron kraik tuku 2:00 Kongresista sira ho sira nia Irma no padre animadores espiritual sira hahu too Santuario Maria Auxiliadora Fatumaka  husi sira ida-idak nia sentro ho transporte privado no maioria aluga transporte publiku sira.

Ba loron primeiro, Konferensia hahu ho liafuan Bemvindo husi MC no tuir kedas ho apresentasaun horario hodi fo hanoin fali ba hotu-hotu atu partisipante ida-idak hatene book an hodi partisipa didiak iha formasaun sira no atividade hotu ba loron tolu ne’e nia laran. Tuir kedas ho lia fuan badak husi delegado ADMA nasional, ne’ebe fo coragem no dezafia kongresista sira atu oin sa iha kongresu ida ne’e bele hafoun sira nia komitmentu no sai konvensidu liu tan kona ba sira nia identidade nu’udar ADMA no nudar sarani ne’ebe diak.

Molok Irma Esmeralda Soares FMA kontinua hodi apresenta topiku kona ba Rector Mor nia Streia 2023, Kongresista sira hetan ksolok atu hare no rona mensagem husi madre Lucrecia Uribe ne’ebe hatudu liu husi Video badak ne’ebe nia lia fuan sira tradus ona iha Tetum ba Kongresista sira.

Apresentasaun kona ba Streia Rector Mor nian dada kongresista sira nia atensaun ho pergunta ̏ Tamba sá mak Strenna ne’e iha parte rua?̏ no Irma apresenta didiak objective Streia nian mak atu ajuda labarik kiik sira:

• deskobre katak sira ida idak bele sai fini ne’ebé kari iha rai bokur hanesan Jezús dehan; nu’udar fini ne’ebé fó tulun no ai han ba família, moris no fó fuan barak.
• bele sai ajente pro-ativu no ho misaun auténtiku ho Jezùs, no nu’udar fiar nain ne’ebé diak.

No enkoraja kongresista sira katak, hotu- hotu simu bolun nudar familia ida atu kompleta malu, no taka nia apresentasaun ho perguntas tolu ba refleisaun pesoal no sharing iha grupo:

1. Saida mak liafuan FERMENTU; ba hau, iha familia, Kreda, Sociedade?
2. Iha grupu ne’ebé lao iha lokal, bele fahe ba malu FERMENTU ne’ebé iha?
3. Iha moris loron-loron facil atu sai FERMENTU ka susar, tamba sa?
4. Oinsa fini sira ne’ebé Maromak entrega iha ita nia misaun buras iha perdaun, dame no esperansa?

Ba loron daruak nian, Rev.Pe. Apolinario Maria Neto SDB apresenta kona ba Carta identidade charismatika familia salesiana nian. Ho apresentasaun ida ne’e padre husu no fo hanoin ba Kongresista sira atu haburas sira nia domin no sensu pertense nian ba familia boot ida ne’e ho komitmentu tolu: Unidade; Pertense no Familia ne’ebe fundamentu mak: Domin ba Maromak no Domin ba Maun alin sira.

Iha segundu seksaun Provincial TLS Rev. padre Anacleto Pires SDB  ne’ebe apresenta kona ba ADMA’s Identity and Mission, hahu nia apresentasaun hodi husu ba partisipantes kona ba  SAIDA MAK ADMA?, Hola parte iha ADMA signifika saida? Padre dezenvolve nia apresentasaun ba membru sira hodi haklean kona ba Assosiasaun nia hola parte iha Familia salesiana; nu’udar leigus iha Kreda; Proposta itenerario formasaun, santifikasaun no apostulado salesiana, la’o hamutuk ho Maria atu defende, formasaun no fo sasin fiar katolika nian; Espiritualidade no komitmentu ADMA nian liu-liu atu haburas devosaun ba Maria Auxiliadora no Domin ba Eukaristia. Padre mos intensifika liu tan kona ba ADMA nia

• Visaun no Misaun
• Visaun: Komunidade ecclesial no Salesiana moris fraterno iha familia no sociedade tuir DB nia Carisma
• Misaun:

1. Eduka foinsae kona ba Maromak nia futar liafuan no eucaristia nudar base atu lori sira ba Kristu
2. Hametin espiritu fraternidade no amizade nudar ADMA iha Tls
3. Haklean no haburas ita nia esperitualidade Mariana nudar dalan atu encontro ho Kristu
4. Valoriza no promove atetude respeito dignidade humano no obras kristaun

–    Dimensaun kerygma

Objectivo geral: eduka foinsae kona ba Maromak nia futar liafuan no eucaristia nudar base atu lori sira ba Kristu

Objectivo espesifico: hametin ita nia relasaun ho Kristu atu sai sasin ksolok profetica

• Dimensaun Koinonia

Objektivu Jeral: Hametin espiritu fraternidade no amizade nudar ADMA iha Tls

Objektivu Espesifiku: Hametin espiritu fraternidade ADMA no comunaun ho familia Salesiana sira seluk

• Dimensaun Liturgya

OJ: Haklean no haburas ita nia Espiritualidade Mariana nudar dalan atu encontro ho Kristu

OE:  Partisipa didiak iha kreda nia liturgia; habelar devosaun ba Maria

Auxiliadora

• Dimensaun Diakonia

OJ: Valoriza  no promove atetude respeito dignidade humano no obras kristaun

OE: 1. Conselsialisa ADMA  sira kona ba ema nia dignidade nudar Maromak nia ilas no obras kristaun  nian. 2. sensibilisa ADMA sira kona ba sentido de pertensa iha Kreda lokal. 3. Tulun foinsae sira atu moris independente. 4. Kria fundu soliedariedade.

Loron Datoluk kongresu nian mak taka ho Misa enseramentu ne’ebe preside husi Provincial TLS Rev. padre Anacleto Pires SDB hamutuk concelebrants padre Andre Callejas SDB, padre Manuel Ximenes delegado ADMA nasional, no padre Isaias delegado ADMA Fatumaka.

Iha Misa ne’e iha mos Tomada de pose ba strutura foun ADMA Tinor Leste. Presidente Sr. Joao Brito, vice Sra. Maria Lourdes de Sousa Ximenes, Tesoreira… no Secretaria….

No selebrasaun promesa ba membro foun ADMA nain 102.

Iha Misa ne’e marka mos presensa provincial FMA TIN madre Alma Castagna FMA. Depois de bensaun final molok remata Misa madre Alma comprimenta membro ADMA sira hotu ho mensagem badak maibe tulun membro ADMA sira atu oin sa bele Sai ADMA nebe loos no autentiko, bele assume estilu da vida nebe conducted iha Familia, iha serbisu fatin, iha Kreda, iha relasaun sosial no ho maluk sira: moris tuir Espiritu Salesiana nebe fo enfase ba Sacramentu Eucaristia no Espiritualidade Mariana nebe bele unifika Vida no Apostolado, iha moris no asaun (LIFE AND ACTION)

TOTAL PARTISIPANTE SIRA BA KONGRESSU ADMA TL  SANTUARIO MARIA AUXILIADORA FATUMAKA 2022

1. Provinsial TL : Rev. Padre Anacleto Pires SDB
2. Rev. Pe Apolinario Maria Ornai Neto,SDB
3. Provincial FMA TIN Me. Alma Castagna FMA
4. Delegado nasional ADMA, Padre Manuel Ximenes SDB
5. Delegado SDB ba ADMA nain rua husi sentru 2: padre Izaias Bonifacio SDB no padre Albino SDB
6. Irma FMA nain 7 Aniamdora spiritual ADMA local nian husi sentru sira iha Timor laran. Ir. Carolina, ir. Ermelinda Gomes, ir. Angelita ir. Maria Vic, ir. Evangelina, ir. Ernestina no ir. Brigida
7. Irma Esmeralda FMA – oradora ba streia Reitor Mor 2023
8. Presidente ADMA sesante D. Fàtima
9. Kongresistas: 335 husi centru hotu iha Timor laran tomak hamutuk ho membro foun 102

(Maria Brigida de Sousa FMA)