Baucau – Iha 20/11/2022, ho solenidade KRISTU LIURAI nian, ohin animador hamutuk ho oratorianu sira sentru Dewake, Teulale no OPIAM sira Baucau nian, haksolok hamutuk hodi fahe sira nia ksolok, domin ba malu liu-liu hamutuk agradese ba Ir. Sanzinha FMA nia prezensa nu’udar diretora iha komunidade St. Teresa d’Ávila Baucau, ba ninia dedikasaun, pasensia no domin hodi hala’o misaun komunidade nian durante tinan hirak ne’e. Nune’e ho espiritu oratorianu nian, sira mos hakarak espresa sira nia gratidaun ba madre liu husi dansa no hananu  múzika simples sira, ne’ebé hatudu ona sira nia domin no gartidaun ba madre. Paseiu sai furak liu tan hodi hahu ho orasaun Rosário agradese nian ba madre hodi reza hamutuk iha Tasi ninin, hafoin kontinua ho han hamutuk.

Depois de han mak labarik hotu ba haris, no molok atu fila fali ba uma, ida-idak simu merenda no rona liafuan badak ruma husi madre Sanzinha katak; ita oratoriano sira laiha kor maibe ita sai ida deit iha espiritu salesiana nian nune’e ida-idak buka hari unidade iha fatuk nia leten nune’e anin boot mai labele sobu ita nia unidade. Paseiu mak momentu ne’ebé labarik ida-idak atu espresa sira nia ksolok no hametin liu tan sira nia relasaun amizade entre sentru ida-idak hodi koñese malu no sai belun liu tan iha Kristu nu’udar oratorianu, ne’e mak ksolok labarik ida-idak nian.

Ir. Onesiana.