Dili – Ohin, loron Sábado, 19 fulan novembro 2022 husi ekipa formasaun CSM-TL husi Conferêrensia Superiores Maiores, realiza formasaun ho Tema “IMPAKTU MEDIA COMUNICAÇÃO BA VIDA RELIGIOZA IHA CONTEXTO PESSOAL, APOSTOLADO, NO IHA MORIS COMUNIDADE”. Orador ba formasaun ida ne’e mak Pe. Edgério Martns SJ. Iha formasaun ne’e partisipa husi Votus Perpetua tinan 1 to’o tinan 5 husi kongregasaun hotu-hotu ne’ebé hola parte iha conferências Superiores Maiores Timor Leste.

Ita agradese tebes  ba grasa vokasaun nian ne’ebé ita simu husi Maromak liu husi komunidade ne’ebé ita horik ba. Iha ita nia moris nu’udar relizioju/a, ita mos presiza momentu parajen atu hare’e ba buat hotu ne’ebé ita liu ona iha ita nia moris.

Hodi hateke ba ita nia dalan ne’ebé ita liu ona ita buka atu reflete iha ita nia moris kona moris komunikasaun nian ne’ebé ita emfrenta loron-loron liu husi komunikasaun sira. Tamba ne’e iha ita nia vida papel importante tebes iha ita nia vida atu fo importansia ba media komunikasaun nian liu-liu iha imformasaun bele lori impaktu diak no a’at depende ba ita nia maturasaun kona-ba formasaun no utilizasaun.  Partilla kona-ba viagem ba koñesimentu media sosial iha kontektu ohin loron nian mak hateke ba media global ho matan fuan nian. ita hare ba mundu ohin loron lao lalais los oinsa mak ita nia hare’e kona-ba mundu teknolojia. Teknolojia hanesan mota ida ne’ebé mak suli maibe depende ba ita oinsa mak kuru be ne’e.

Iha moris presiza hatene kona-ba konseitu sira signifika presiza hatene ninia definisaun, konsepsaun, no karakterizasaun, iha moris Pessoal, Apostuladu, Komunidade no vida Reliziosa. Tamba ne’e loron ba loron presiza nafatin kuda mos kultura le’e no hakerek atu ita hetan ideias foun ka konseitu foun. Mundu oferese teknologia mai ita oinsa ita nia parte uza meios komunikasaun ne’e ho diversidade no maturidade haklaken buat ruma ho konteudu ne’ebé mak klaru iha realidade. Tamba ne’e husu nafatin ita nia dispozisaun pessoal sira atu hatene halo dixernimentu, silensiu interior no ezame de konxiénsia. Konxiénsia ne’e tenke kadi bebeik ba konseitu sira  ne’ebé mak ita hasoru.  Kadi konxiénsia  ne’e mai husi ita nia orasaun pessoal loron-loron nian. buat hotu bele haleu ho mundu teknolojia maibe ha’u tenke husik espasu ba Maromak atu bele sai ema ne’ebé liberdade signifika liberdade interior intimidade tuir Kristu, koneksaun ho maluk sira, no husik espasu ba Maromak. No ikus taka ho selebrasaun Eukaristia no konfraternizasaun hamutuk.

(Martinha Gomes FMA)