ASEMBLEIA ARKIDIOSEZANA

Dili, 9 Novembru 2022

Dili – Iha 9 Novembru 2022 Arkidioseze Dili hala’o enkontru ka asembleia Arkidiosezana atu haree hamutuk kona-ba dokumentu juridizmu episkopál nian, espesifikamente “Proteção dos Menores e das Pessoas vulneráveis. Diretivas da Conferênçia Episcopal Timorense”. Iha dokumentu ida ne’e ho prinsípiu inspiradór mak Jezús Kristu nunka abandona nia povu iha momentu ne’ebé de’it. Liuhusi dokumentu ida-ne’e hato’o liuliu ba ajente pastorál hotu nia responsabilidade iha apostoladu ka knaar hotu ba protesaun menoridade no ema vulneravel sira. Fó hanoin membru sira vida konsagrada/u no amlulik sira atu responsavel ba ajente pastorál hotu nia formasaun, hodi analiza no prevene kona-ba abuzu seksuál ba menoridade no ema vulneravel sira.

Tanba ne’e iha asaun pastorál sira tenke sai sai prudente no hatudu respeitu ba menoridade, adultu no vulnerável sira. Iha asaun sira presiza hatudu sasin ou modelu moris nian (Fé, Esperansa no Karidade). Nune’e iha ita nia pastorál sira buka nafatin partisipa hamutuk ho instituisaun no autoridade lokál sira ne’ebé kolabora ho kreda universál.

Sesaun ikus nian  ko’alia kona-ba tema pastorál dioseze nian ba tinan 2022: “Eukaristia no Ekolojia”, ne’ebé refere ba forsa iha laran, kbiit iha liur no halibur hanoin, oinsá hala’o tinan ne’ebé atu remata ona. Eukaristia mak bee-matan ka fonte no tutun ba moris uma-kreda nian. Tanba ne’e ita fiar, ita selebra, no ita halo iha asaun.

Arkidioseze haree mós kona-ba tema pastorál ba tinan oin nian. Iha kontinuidade ho tinan 2022, tema ba 2023 mak “Pessoa Eucarística e Pessoa Ecológica”, haforsa iha moris loron-loron nian liu husi Eukaristia ne’ebé ita simu no buka nafatin ho konxiente ba kuidadu ba uma komún, katak ita-nia planeta, no tau matan ba maluk sira ne’ebé kiak liu.

Partisipa iha Asembleia ne’e, pároku, relijioza/u sira no ajente pastorál leigu/a sira.

(Martinha Gomes FMA)