NOVENA ATU MANÁN VIRTUDE 12 SILÉNSIU NIAN

Ba loron sia harohan hodi husu  virtude silénsiu nian no hotu tiha invokasaun ida-idak harohan Ave Maria.

1. SILÉNSIU. Oh Maria, Virjen Silénsiu nian, ha’u husu ba Ita don silénsiu interiór nian, atu ha’u bele rona Maromak nia lian iha ha’u. Amén. Ave Maria…

2. RONA. Oh Maria, Virjen raronak nian, haraik mai ha’u fiar atu rona no tau iha prátika Liafuan Krús no Roman ita Oan Jezús nian. Amén. Ave Maria…

3. HARAIK-AN. Oh Maria, Na’i-Feto haraik-an nian, ha’u mak mistura ida entre rai no lalehan, haraik mai ha’u laran -midar hasoru ha’u-nia maluk sira no haraik-an santa hasoru Maromak, Amén. Ave Maria…

4. KSOLOK, Oh Maria, Inan ami-nia Ksolok nian, halo atu ha’u klamar bele hahí Maromak nia Domin nia kmanek sira, Amén. Ave Maria…

5. MATAN-MORIS. Oh Maria, Virjen atenta ba Maromak nia Oan, halo atu ha’u sai matan moris ba Maromak no maun no biin-alin sira ne’ebé haleu ha’u. Amén. Ave Maria…

6. HEIN. Oh Maria, Virjen Hein nian, halo atu ha’u hatene hein Maromak nia tempu ho pasiénsia no ho persevaransa, atu Maromak nia vontade de’it mak realiza iha ha’u ho modu eskluzivu, Amén. Ave Maria…

7. EKILÍBRIU. Oh Maria, Virjen Ekilíbriu nian, haraik mai ha’u ekilíbriu entre silénsiu no liafuan, deskansu no serbisu, orasaun no apostoladu. Amén. Ave Maria…

8. DOSILIDADE. Oh Maria, Virjen Dosilidade nian, tau iha ha’u fuan Ita-nia Fuan “Inan Lalehan” nian no Ita oan nia Fuan maus no haraik-an nian, obediente iha saran-an ba Aman Lalehan, Amén. Ave Maria…

9. ESTABILIDADE. Oh Maria, Virjen Estabilidade nian, ha’u husu ba ita estabilidade fuan no neon nian, atu loroloron ha’u bele lori ha’u-nia krús iha dalan Kalváriu no Tabór nian. Amén. Ave Maria…

10. PUREZA. Oh Maria, Virjen Pureza tomak nian, haraik mai ha’u fuan moos, nakonu ho laran-mamar no domin sinseru ba kriatura hotu. Amén. Ave Maria…

11. KONFIANSA. Oh Maria, Inan Konfiansa nian, hadook husi dezánimu no tristeza husi ha’u, hakonu iha ha’u dame, ksolok no esperansa, atu konfiansa iha Maromak bele halo milagre. Amén. Ave Maria…

12 MIZERIKÓRDIA. Oh Maria Inan Mizerikórdia nian, iha Ita-nia Mantu nia okos, ha’u tau ha’u moris tomak, halo atu nia bele sai instrumentu dame nian, perdaun nian no mizerikórdia nian, Amén. Ave Maria…