Soibada – Iha loron 30, ETV MAZZARELLO Venilale, liuliu Asosiasaun Marianu, Madre Mazzarello, Don Cimatti no Laudato Si hamutuk na’in 160, hamutuk ho Irmán no professor animador asosiasaun nian,halo peregrinasaun ba Santuariu Nasionál Na’in Feto Aitara – Soibada.

Objetivu husi peregrinasaun ne’e mak atu hetan induljensia plenária tuir Amu Papa haruka ne’ebé indika fatin rua; Katedral Baucau no Santuáriu Nasionál Aitara, iha okaziaun selebra tinan 25 Dioseze S. José Baucau ne’ebé sei realiza iha 30 Novembru mai.

Nune’e peregrinasaun ne’e hahú ho orasaun husi eskada to’o iha santuáriu, hafoin kontinua ho konfesaun no misa ne’ebé selebra husi Pe. João Ornai. Hafoin depoisde omilia, Asosiasaun Marianu na’in 23 halo sira nian promesa. Amu selebrante fó lia menon katak: “ Maria Auxiliadora imi Inan sai Tulun Na’in ba Sarani sira, imi grupu Marianu presiza mos imita tuir Maria Auxiliadora sai tulun na’in ba imi nia maluk sira iha eskola, uma no sosiedade”.

Tuir mai Ir. Anita Freitas, nu’udar diretora eskola ETV nian,  agradese ba Amu selebrante ne’ebé ho laran luak  no disponivé fó tempu hodi rona konfesaun no selebra Eukaristia. Maske kolen maibé sente haksolok tebes hodi agradese Na’I, ba Ninia akompañamentu ne’ebé buat hotu la’o ho diak.

( Asosiasaun: MARIANU, MM, DC & LS)