Dili, 30. 10. 2022.Oratoriano sira husi Sentru Oratorio S. João Paulo II, Sentru Oratorio B. Zeferino Namuncura, Sentru Oratorio Maria Auxiliadora no OPIAM Paroquia Maria Auxiliadora nian reza Tersu Missionário-Laudato Sí nian hadi halo prosesaun iha tasi ibun. Oratoriano hamutuk besik 150 inklui Madre no animadores sira. Objetivo husi orasaun ne’e mak hanoin fali fulan Misionário nian hodi reza ba Misinário sira no agradese nomos kontempla Maromak nia furak iha kriasaun sira liuliu hodi sente anin nia hu’u husi tasi, hare laloran ne’ebé baku laiha rohan, ema oioin ne’ebé liu ba-mai, animal sira ne’ebé semo no imajina animal sira ne’ebé nani hela iha tasi laran no seluk tan.

Iha misterio ida-idak orasaun Tersu nian reflete kona ba Misterio Gloriozu, mensagem balu kona ba Laudato Sí no hanoin ba Misionário sira iha kontinente ida-idak. Reflesaun sira mak hanesan: Jesus mate no Moris Hias, fo sentido ba ita nia fiar no halo ita moris hias ho nia. Jesus fo moris ba buat hotu. Jesus mate no Moris Hias. Fo sentidu ba ita nia fiar no halo ita moris hias ho nia. Jesus fo moris ba buat hotu. Tan buat hotu hetan moris iha Nia. Mai ita troka ita nia hahalok aat ba hahalok diak tamba Jesus hadomi ita. Nia husu ba ita atu hadomi malu no hadomi buat nebe Maromak krea ba ita hodi kontempla mundu ida-ne’e ho matan nakonu ho matenek. (Laudato Si 241) hodi reza mos ema tomak iha kontinenti Africa atu sira moris iha justiza paz no dame ho an rasik ho ho Kreasaun tomak; Jesus sa’e ba Lalehan maibe nia horik iha ita ida idak no iha “Natureza tomak hatudu Maromak no mos sai fatin ba ninia presenza. Iha Kriatura ida idak, horik nia Espiritu nebe haraik moris ba nia no bolu ita atu hola relasaun ho nia”. (Laudato Si 88) Reza ba maun alin sira iha Amerika atu hatene hare Maromak nia presenza iha ema no kreasaun tomak hodi tane as dignidade ema nian; Nai Haraik Ita Boot nia Espirito santo mai ami atu ami sai ema nebe hatene moris hodi buka “bem komun no respetu ba pesoa umana nudar ema” (Laudato Si 157). Reza ba maun alin sira iha Europa atu metin iha sira nia fiar sarani no hatene hadomi sira nia moris nudar ita Boot nia presente hodi hatene buka ema hotu nia diak Maria inan nebe bali Jesus, oras ne’e dadaun tau matan ho domin no preukupasaun maternal ba mundo ida ne’e nebe kanek. Hanesan nia tani ho fuan kanek tamba Jesus nia mate, nune’e mos ohin nia laran sadia tamba ema kiak krusifikadu nia terus no kriatura sira mundo ida ne’e nian nebe kbiit ema nian mak halakon ba nafatin. harohan ukun nain sira no ema hotu nebe ho sira nia interese pesoal kontinua halo ema seluk terus no kanek tan injustiza no la iha Paz iha kontinenti Oseanu; Ita lao daudaun ba sabadu eternidade nian, ba Jerusalem foun, ba uma komun iha Lalehan. Jesus hateten mai ita Hau hafoun buat hotu. Moris rohan laek sei sai buat furak tebtebes nebe kriatura ida idak, nakfilak tiha ona, sei okupa ninia fatin no sei iha buat ruma atu oferese ba ema kiak sira (Laudato Si 243). Reza ba ita nia kontinenti atu moris iha hakmatek liu liu kiak sira nebe hetan terus tan sira nia fiar, tan kiak no tan injustiza no reza atu kbit nain sira no ema aat sira bele hapara lalais funu.

Hotu tiha reza no prosisaun, kontinua jogu amizade entre oratorio sira. Sira hotu haksolok tebes hodi reza, joga no sira ne’ebé la joga haksolok ho laloran tasi nian ne’ebé baku ba mai. Ne’e mak misaun furak ne’ebé Dom Bosco no Madre Mazzarello husik hela: Devosaun ba Nain Feto, haksolok nafatin ho kriatura hotu hodi halai, haksoit no halimar maibe labele halo sala.

Obrigada barak.

(Noemia de Deus, FMA)