Iha klima silénsiu no orasaun nian no hodi hapara atividade seluk…

ho finalidade atu haree fali moris rasik iha Espíritu nia roman nune’e prepara an atu halo sai definitiva resposta ba Maromak.

Formasaun inisiál mak tau baze ba dinamizmu baburas nian iha identidade ne’ebé dura ba moris tomak (kf Konst. 83) iha dosilidade ba Espíritu. Formasaun inisiál ne’e komprende etapa hotu molok halo votus perpétuu kastidade, pobreza no obediénsia nian. Molok sín definitivu presiza preparasaun imediata ida no artigu 98 Konstituisaun nian aprezenta “Segundo Noviciado” nu’udar tempu preparasaun besik liu ona ba profisaun perpétua.

Ninia objetivu maka:

• Halo avaliasaun kona-ba ha’u-nia haka’as an atu konsagra no forma ha’u-nia an atu nune’e bele hametin ha’u-nia dezisaun atu hili Maromak iha Institutu hodi kompara ho valór sira mai husi FMA nia vokasaun.
• Halo esperiénsia kona-ba enkontru loos no kle’an ho an rasik, ho ema seluk no ho Maromak, iha ambiente orasaun, konfrontu no dixernimentu nian.
• Iha simplisidade no fraternidade, favorese konfrontu no avaliasaun tinan hirak profissaun nian, hodi fahe esperiénsia sira.

Irmán na’in neen ne’ebé ohin hahú preparasaun intensa ida-ne’e mak ir Joaquina,  Ana Rosalia, Ana Manuela, Miranda, Albina no Suzana. Iha semana ikus sei mai hamutuk ho sira ir Silvia mós ne’ebé kompleta tiha ona ninia “novisiadu daruak” tinan kotuk.

Iha nia liafuan aprezentasaun nian ir Paola husu atu irman sira buka halo verifika no sínteze ba sira-nia esperiénsia vokasionál hahú husi motivasaun dahuluk to’o ohin nian; verifika ba sira nia  tatuir Kristu nian; haree oinsá sira-nia sentidu hola-parte ba Institutu; verifika sira-nia paixaun edukativa no avalia oinsá moris vida fraterna iha komunidade.

Iha kraik ne’e oráriu enkontru sira nian.