Kreda nia kbiit mai husi Kristu, la’ós husi kapasidade organizativa
Papa Francisco hateten katak “moris hamutuk iha dame entre fiar-na’in sira husi relijiaun oioin” ne’ebé iha Albánia nu’udar “sinál ba nasaun seluk ne’ebé moris iha funu:
“Liutiha tinan sira rejime ateu nian, persegisaun nian, país ne’e, ohin moris iha ko-ezisténsia pasífika entre fiar-na’in sira”.
Amu-Papa subliña katak visita ne’e atu hatudu ninia prosimidade no Kreda tomak nian ba povu ne’e. Nia hakarak halo ida-ne’e atu fó korajen ba sira atu kontinua iha dalan ne’e atu kontinua ho haka’as an no hakle’an vantajen di’ak komún nian. Tuir Papa Francisco “buat ne’ebé komún uha espresaun relijioza oioin mak dalan moris nian, hakaran di’ak nian atu halo di’ak ba maluk, hodi la nega eh hatún ida-idak nia dignidade”.
Papa Francisco destaka mós tema-xave seluk ninia viajen nian: “martíriu”. Durante enkontru ho amlulik no relijiozu sira, nia hateten, “hodi katuas sira nia prezensa, ne’ebé moris iha sira-nia isin persegisaun boot, sasin eroiku barak pasadu nian nalian, sira ne’ebé tuir Kristu to’o konsekuénsia iksu liu. Hodi sira-nia uniaun íntima ho Jezús, husi relasionamentu domin nian ho Nia mak moris mártir ida-idak – kbiit atu enfrenta eventu terus hotu ne’ebé lori sira ba martíriu. Ohin mós – Papa Bergoglio hatutan – hanesan uluk, Kreda nia kbiit la mai husi kapasidade organizativa eh husi estrutura sira, ne’ebé nesesáriu mós. Ita-nia kbiit mak Kristu nia domin!”. Hamutuk ho mártir amlulik na’in haatnulu iha dalan ba beatifikasaun “aumenta relijiozu sarani atus ba atus no musulmanu sira ne’ebé sir aoho. Tortura, tau iha kadeia no deporta tanba de’it sira-nia fiar ba Maromak”. Iha tinan sira-ne’e laiha liberdade relijioza no bandu fiar iha Maromak. Kreda no meskita barak rejime komunista harahun eh muda ba armazen, fatin sinema nian hodi haklaken propaganda marxista. Livru relijiozu sira sunu hotu no bandu atu inan-aman sira fó naran sarani ba sira nia oan. “Hanoin eventu dramátiku sira ne’e esensiál ba povu ida nia futuru”, Papa Francisco ressalta.
“Ba maun no biin-alin sira Albánia nian ha’u hafoun konvite ba korajen halo di’ak nian, atu harii prezente no abanbairua sira nia País nian no Europa nian”, nia hateten.
