Lecidere, 13 Outubro –  Sarani husi Diocese Dili nian hamutuk ho Relijiozo/a. Nai lulik sira halo prosisaun hahu husi Igreja Motael hodi la’o to’o Largo Lecidere hodi reza Tersu kona ba “Laudato Si” Rona kona ba rai nia hakilar no kiak sira nia hakilar.  Depois de Tersu  hotu iha Lecidere, kontinua ho Leitura sira loron nian, hafoin mk Humilia husi Bispu Virgilio Kardeal do Carmo da Silva, sdb. Koalia kona motivu husi Peregrinasaun nee atu agradese ba Nain Feto ba grasa oin oin ne’ebé Kreda Timor simu iha tinan ida ne’e nia laran. Amu kontinua tan kona ba Laudato Si ne’ebe Amu Papa Francisco konvida ita hotu atu tau matan ba ita nia ambiente sira ne’ebe haleu ita. Ikus liu taka ho pergunta sira kona ba realidade ne’ebe  ohin loron cidade Dili hasoru mak:

1. Tanba sa mak ita nia valeta no tasi ibun nakonu ho lixu plastiku, foer hirak ne’e mai husi ne’ebe?
2. Tanba sa udan bot ita laos kontente tanba fresku maibe ita toba ladukur tanba tauk mota sae?
3. Tanba sa udan cidade Dili bee sae halo cidade Dili nakonu ho bee?
4. Tanba sa iha tinan 2022 Tuir statistiku labarik mate ho moras denge no mos Tbc numeru sai aas?

Husi akontesimentu hirak husu mai ita ida-idak nia an, hau tenke halo saida?

Ikus liu mak taka ho adorasaun Santisimu hafoin mak fahe malu.

(Ines Freitas Bartolo)