Roma – Loron ohin, 23 Setembru, ba aprezentasaun Relatóriu kona-ba Institutu nia moris. Madre Jerál no Konselleira sira aprezenta dalan ne’ebé Insitutu halo durante tinan neen (2008-2013), ain-hakat sira n e’ebé halo ona, salan ne’ebé halo no dezafiu sira ne’ebé mosu, nune’e mós perspetiva ba futuru.

Modalidade aprezentasaun nian, tuir partisipante balun ne’ebé tuir KJ liu dala ida, di’ak liu uluk tanba, Madre Jerál no Konselleira sira interkala malu. Konselleira Ámbitu sira aprezenta kona-ba Ámbitu, no Konselleira Vizitadora aprezenta kona-ba sira-nia haree kona-ba Inspetoria sira nia dalan durante sira-nia vizita.

Testu Relatóriu nian artikula ho introdusaun jerál ida ne’ebé halo ita haree tema KJ XXII nia orizonte no dalan sira ne’ebé halo atu to’o ba konversaun ba domin hanesan Programasaun Tinan Neen ne’ebé remata ona delinea.

Hafoin, Relatóriu aprezenta estatístika hodi evidensia FMA sira nia prezensa iha mundu husi pontudevista númeriku no jeográfiku no obra sira-nian. Tuir sesaun estatístika ita iha aprezentasaun kona-ba animasaun  no governu Madre Jerál nian, Vigária nian no Konsellu nian atu realiza renovasaun vitál iha Institutu.

Relatóriu nia sekuénsia evidensia Inspetoria sira nia moris tuir Konselleira Jerál sira-nia haree durante sira-nia vizita kanónika eh animasaun nian. Hafoin kapítulu ida dedika ba Sekretaria no Arkivu Jerál. Ilusnian, Relatóriu oferese pista ida reflesaun nian ba dalan sira futuru nian ne’ebé iha Institutu nia oin hadi bazeia ba íkone “uma” nian iha kontestu ekleziál evanjelizasaun foun nian. Iha mós apéndise ida ho dadus hotu estatítika nian.

Iha loraik, kapitulár sira hetan tempu uitoan atu halo estudu pesoál eh grupu nian ho pista reflesaun no aprofundimentu. Estudu ne’e sei kontinua mós iha loron 24 no 25 Setembru. Loron 26 Setembru, iha Asembleia, sei iha aprezentasaun kona-ba resonánsia no pergunta sira ba Madre Jerál no Konselleira sira.