12 Outubru

NA’I-FETO PILAR NIAN

Títulu antigu liu Na’i-Feto nian

Títulu “Nossa Senhora do Pilar” mak títulu antigu liu Na’i-Feto nian, maski ladún koñesidu. Bazílika Pilar nian, ne’ebé harii iha Zaragoza, sidade ida Espña nian, mak santuáriu privilejiadu ida.

Nossa Senhora do Pilar iha tradisaun sarani

Tuir tradisaun sarani, títulu Na’i-Feto Pilar iha orijen besik tinan 2000. Tradisaun hateten katak depoizde Jezús moris hi’as apóstolu sira sai bá haklaken iha Judeia no loron ba loron sarani sira aumenta ba beibeik. Maibé persegisaun hasoru Kreda mós maka’as, no sarani barak sai hetan dadur, tortura no mate husi parte judeu sira-nian. Ho Nune’e, apóstolu sira, hahú haklaken Evanjellu ba ema hotu, hanesan Na’i Jezús haruka.

Tiago nia misaun

Saun Tiago mak responsável ba pregasaun Evanjellu nian iha España. Maibé, molok nia bá, nia husu Maria Santíssima nia bensan, hanesan kostume Apóstolu sira halo, Bainhira nia fó bensan ba Tiago, Maria dehan” “Bá, ha’u oan, kumprei ó-ia Mestre nia orden bá, hodi Nia ha’u husu ba ó, iha sidade España nian ne’ebé ó sei konverte klamar barak ba fiar, ó harii uma-kreda ida iha ha’u-nia memória, nu’udar ha’u sei hatudu ba ó”.

Saun Tiagu haklaken iha provínsia barak to’o nia bá iha Zargoza, iha motia Ebro nia ninin. No nia konsege konverte mane na’in ualun ba Jezús Kristu, ne’ebé hamutuk sira ba iha mota ninin iha kalan, atu deskansa no harohan.

Na’i-Feto Pilar nia aparisaun dahuluk

Iha kalan ida hanesan ne’e, bainhira deskansa ho ninia dixípulu sira, Saun Tiago rona anju sira hananu “Ave Maria, gras abarak liu”!. Hodi hakneak, Saun Tiago haree Santíssima Virjen tur iha pilar/ kolun aida mármore nia letne iha anju sira leet. Iha momentu ne’e, Maria ho domin dehan ba nia: ”Ha’u mak ne’e, ha’u oan, fatin marka ba ha’u-nia onra, iha-ne’ebé, hodi ó-nia kuidadu no iha ha’u-nia memória, ha’u hakarak atu harii uma-kreda ida; ó rai di’ak pilar ne’ebé ha’u hodi tur, basá ha’u Oan no ó-nia Mestre haruka ne’e husi lalehan hodi anju sira-nia liman; hamuutk ho nia ó sei hatur altár kapela nian, no iha nia sei hala’o obra sira Na’i Leten Aas bá nia virtude, hahalok kamnek no boot liuhusi ha’u-nia intersesaun, ba sira ne’ebé, iha sira-nia nesesidade sira, husu ha’u-nia tulun; no pilar ne’e sei hela iha ne’e to’o mundu nia rohan, no iha sidade ne’e sei la kuran sarani loos sira ne’ebé sei fó onra Jezús Kristu nia naran, ha’u Ona”. – Derepente, Anju sira lori Maria ba nia uma iha Jerusalém.

Konstrusaun kapela ki’ik-oan

Depoizde aaparisaun, Virjen Maria sei moris tan ba tinan 11. Saun Tiago, depoizde aparisaun, harii kapela ki’ik-oan ida iha fatin refere, hodi nia dixípulu sira-nia tulun, no hatuur pilár iha altár nia parte aas liu, nunee’e bele hateke ba mota Ebro.

Depoizde evanjeliza rejiaun ne’eb’a, Saun Tiago fila ba Jerusalém no mate nu’udar martir iha tinan 44 nune’e. Tuir tradisaun, ninia dixípulu sira lori nia isin fila ba España atu hakoi iha fatin ne’ebé ohin loron sai famozu ho ema barak halo peregrinasaun: Santiago de Compostela.

Kapela sai bazílika

Kapela hetan reforma no espansaun iha sékulu sira tuirmai. Ohin loron, nia mak nazílika boot ne’ebé simu sarani sura-laek husi sikun hotu mundu nian atu venera virjen no ninia Pilár. Liufali ninia milagre sira, ema koñese Na’i-Feto Pilar nu’udar konsoladora ba laran-susar sira, subar-fatin ba maksalak sira no Inan España nian. Nia asaun mak liuliu asaun espirituál.  Bazílika Na’i-Feto Pilar nian nakloke loron tomak no nafatin nakonu ho sarani sira ne’ebé buka grasa, rekonsiliasaun no diálogu ho Maromak.

Nune’e mak mosu títulu Na’i-Feto Pilar nian (Nossa Senhora do Pilar), ne’ebé venera iha igreja katólika España nian. Liu ona sékulu XX husi Na’i-Feto Pilar nia aparisaun ba Saun Tiago, no, maski hetan invazaun musulmanu sira-nian, funu sira, funu sivíl española, no até bomba tolu ne’ebé hatún iha ne’ebá la nakfera, pilár sagradu la rahun no metin nafatin iha bazílika Zaragoza nian, hodi Na’i-Feto nia protesaun.

Na’i-Feto Pilar nia festa selebra iha 12 Outubru.

Orasaun ba Na’i-Feto Pilar nian

Virjen Na’i-Feto Pilar nian,

Ha’u mai iha ita-nia prezensa, atu husu ita-nia protesaun no merese ita-nia favór sira. Se ha’u ema maksalak, nu’udar kompensasaun ita mak Inan laran-mamar no mizerikórdia nian.

Nu’udar ema maksalak ne’ebé arrepende ba nia salan sira, ha’u tuku tur iha ita-nia ain, ba ha’u-nia falta sira; ha’u mak oan ne’ebé la hatene agradese, iha futuru sei la sai nune’e tan, ha’u promete ba Ita no ba Jezús doben ne’ebé ita tane iha Ita liman sira.

Ha’u lakohi sala tan, no ha’u hakarak halo buat hotu atu ema seluk mós koñese Ita no konsagra sira-nia domin tomak ba Ita.

Oh Virjen Santíssima Pilar nian, sai nafatin ha’u-nia Inan Protetora durante ha’u-nia moris tomak no iha ha’u-nia oras mate nian. Amén.