Roma – Iha 9 Outubru 2022, iha Sagradu Prasa S. Pedro nian iha Roma. Iha Selebrasaun Eukarístika prezide husi Papa Francisco, ho Ritu Kanonizasaun ba leigu profesu Sosiedade S. Francisco de Sales nian, Artemide Zatti, no Mons. Giovanni Battista Scalabrini, Bispu no Fundadór Kongregasaun Misionáriu Saun Carlo Borromeu nian no Kongregasaun Irmán Misionária Saun Carlo Borromeu nian.

Selebrasaun hahiha Prasa nakonu ho pergrinu sura, hahú ho knananuk entrada “Veni, creator Spiritus”. Kardeál Marcello Semeraro, Prefeitu Dikastériu Kauza Santu sira nian akompaa husi Postuladór sira, padre Graziano Battistella, husi Kongregasaun Scalabriniana, no don Pierluigi Cameroni, Salezianu Don Bosco nian, aprezenta an ba Santu Padre hodi husu atu prosede ba Kanonizasaun. Iha momentu daruak, Kard. Smerano aprezenta santu sira-nia biografia badak.

Hafoin iha invokasaun solene Beata Virjen Maria no Santu hotu nian, atu husu grasa inskrisaun Beatu sira-nian iha Grupu Santu sira-nian.

Papa francisco ho lia-latín lee fórmula Kanonizasaun nian: “… ami deklara no fefine Santu Beatu Giovanni Battista Scalabrini no Artemide Zatti no ami hakerek iha Rejistru Santu sira-nian, hodi estabelese katak Kreda tomak sei fó onra ba sira ho modu devotu iha Santu sira leet”.

Basá liman maka’as husi asembleia sarani sira-nian akompaña proklamasaun ne’e, tuirmai insensa relíkua Santu foun rua nian no tau iha Na’i-Feto nia estátua nia oin, agradesimentu hsui Kardeál Prefeitu Kauza Santu sira-nian, ne’ebé husu no hetan paresér favoravel husi Amu-Papa ba redasaun Surat Apostólika kona-ba Kanonizasaun.

Iha Kardeál, Asebispu, Bispu no amlulik konselebra, barak liu husi Salezianu sira, entre sira-ne’e Reitór-Mor Don Ángel Fernández Artime. Iha Sagradu Kreda nian, iha korpu diplomáriku nia sorin, prezente Superiora Jerál Institutu Figlie di Maria Ausiliatrice, Madre Chiara Cazzuola,no Konselleira balun, Iha omilia, Papa Francisco fó hanoin kona-ba Evanjellu domingu nia aspetu rua – kura ba leprozu na’in sanulu (Lc 17, 11-19) – la’o hamutuk no agradese, hodi liga ho Santu na’in rua:

“Bispu Scalabrini, ne’ebé funda Kongregasaun rua atu tua matan ba migrante sira, ida mane nian no ida feto nian, afirma katak iha la’o hamutuk ema sira ne’ebé imigra la presiza haree de’it mak problema sira, maibé mós sinál ida Providénsia nian. (…) Scalabrini hakat liu iha ninia hateken, hateke ba oin, ba mundu no Kreda ida lahó barreira, lahó estrajeiru sira.

Husi nia parte, Irmaun Salezianu Artemide Zatti, ho ninia bisikleta,sai ezemplu moris gratiduan nian: hetan kura husi tuberkuloze, nia dedika nia moris tomak atu favorese ema selu, tau matan ho domin no ternura ema moras sira. Ema haktuir katak haree nia lori ninia ema moras ida nia isin mate iha ni akabaas. Nakonu ho gratidaun ba buat hotu nia simu, nia hakarak dehan ninia “obrigadu” hodi okupa an ho ema seluk nia kanek”.

Amu-Papa remata nina omilia hodi konvida ema hotu atu tau laran metin ba sira-nia intersesaun: “Ita harohan atu ita-nia santu na’in rua ne’e tulun ita la’o hamutuk, lahó muru divizaun nian; atu kuda nobreza klamar nian ida-ne’e ne’ebé Maromak haksolok tebes, katak gratidaun”.

Iha Angelus, iha Selebrasaun nia rohan, Amu-Papa agradese “em ahotu ne’ebé prezente atu fó onra ba Santu foun sira” no kumprimenta ho modu partikulár Misionáriu no Misionária sira Saun Carlo Borromeu nian no Irmán Koajutór Salezianu sira na’in 600 ne’ebé bá Roma ba eventu istóriku ne’e.

Klima festa nian entre Família rua ne’e anima Prasa no lurón sira, hodi halo foto grupu nian no hakohak malu, hasoru belun sira, partilla malu iha simplisdade, ksolok atu halo parte iha dalan hanesan Santidade nian ne’ebé hariku ba beibeik Kreda ho ezemplu nabilan sira.