MENSAGEM DE SUA SANTIDADE
PAPA FRANCISCO
PARA O DIA MUNDIAL DAS MISSÕES DE 2022

“IMI SEI SAI HAU NIA SASIN” (APOST 1,8)

 

Maun alin doben sira!

 

Liafuan sira ne’e imi hetan iha koloquio ikus nian iha Jesus nia moris hias husi mate ho Ninia disxíplu sira, molok sa’e ba Lalehan, hanesan hakerek iha Apóstulo sira nia hahalok: «Imi sei simu Espíritu Santu, ne’ebé sei tun ba imi no sei sai Hau nia sasin iha Jerusalem, iha Judeia no Samaria tomak to’o mundu nia rohan» (1.8). No hili mos tema ba Loron Mundial Misaun tinan 2022, ne’ebé nafatin ajuda ita atu moris lolos tuir Kreda ninia ser, ninia natureza missionaria. Tinan ida ne’e, loron ne’e duni mak fó mai ita oportunidade  atu hanoin fali eventu importante ba moris no misaun Kreda nian. Tinan 400 moris Kongregasaun Propaganda Fide ohin loron bolu ho naran Kongregasaun ba Evanjelizasaun povo sira nian. Tinan 200 «obras ba propagasaun (transmisaun) fiar nian; ida ne’e, tau hamutuk ho Obra Santa Infância no Obra Saun Pedru Apóstulo nian ne’ebé halo tinan 100 ona nu’udar rekonesimentu hanesan Obra «Pontifícias»

Ita hare espresaun 3 hanesan xave ne’ebé resumu airiin 3 iha Apóstolu sira nia moris no misaun: «Imi sei sai Hau nia sasin», «to’o mundu nia rohan», no « imi sei simu kbi’it Espírito Santo».

«IMI SEI SAI HAU NIA SASIN» NU’UDAR RISTAUN/ SARANI ITA HOTU SIMU BOLUN ATU FÓ SASIN KONA BA KRISTU

Pontu sentral mak Jezús nia hanorin ba Ninia Disxíplu sira bele habelar Nia misaun iha mundu. Disxíplu sira hotu mak sei sai Jesus nia sasin, agradese ba Espiritu Santu ne’ebé imi sei simu: sei sai grasa ne’ebé hakbi’it imi liu tan, ba fatin hotu ne’ebé imi sei ba, iha ne’ebé imi hakarak hela. Hanesan Kristu, Nia mak ne’ebé primeiru ba ka Missionario Aman Maromak nian (cf. Jo 20,21), furak liu, no ninia testemuña mak «Testemuña ne’ebé fiel» (Ap 1,5), nune’e mos kristaun sira hotu mak simu bolun atu sai missionaria no Kristu nia testemuña. No Igreja, komunidade Disxíplu Kristu nian, la iha tan misaun seluk se la’os atu evanjeliza mundu, fó testemuña kona ba Kristu. Igreja nia identidade mak evanjeliza.

Husi ne’e buat ne’ebé essensial  husi prezensa komunidade ida nian mak maske komunidade ki’ik maibé atu hala’o Na’i nia misaun.

Tuir mai mak Disxíplu sira nia pedidu atu harii sira nia moris pessoal iha xave  misaun nian: sira ne’e hotu Jesus haruka ba mundu la’os de’it atu hala’o misaun maibé liuliu atu hamoris misaun ne’ebé entrega ona ba sira; la’os de’it atu fó sasin (testemuña) maibé mos, liuliu atu sai sasin (testemuña ) Kristu nian.

Ho liafuan ne’ebé loos no emosionadu Apostolu Paulo dehan: «ami lori nafatin iha ami nia isin Jezús nia Mate, atu Jezús nia moris bele hatudu an iha ami nia isin» (2 Cor, 4, 10). Prinsipiu fundamental husi misaun mak Kristu nia testemuña, ne’e mak nia moris, paixaun, mate no moris hias tanba domin ba Nia Aman no ba humanidade. La’os tanba Apóstulo sira ba buka ema seluk atu troka Judas nia fatin atu fó testemuña ba Ressureisaun. Kristu moris hias, ida ne’ebé mak tenke fó testemuña no ita tenke fahe. Missionariu sira Kristu nian la’os deit simu bolun atu komunika kona ba nian-an rasik, hatudu ninia kualidade no kapasidade sira kona ba matenek sira oinsá atu maneja. Em vez ida ne’e, iha honra ne’ebé loos hodi oferese ba Kristu  liu husi liafuan no hahalok, haklaken ba ema hotu liafuan foun salvasaun nian ho ksolok no korajen hanesan apostulu dahuluk sira.

Testemuña ne’ebé kompletu, koerente no jubilosa Kristu nian ne’ebé sei seguro ba fórsa husi atrasaun ba haburas an kreda nian no mos iha terseiru milenium. Ho ida ne’e, hau enkoraja ba hotu atu sai korajem hanesan kristaun dahuluk sira ne’ebé fó sasin kona ba Kristu ho liafuan no hahalok sira iha situasaun hotu iha sira nia moris.

 

2. «TO’O MUNDU NIA ROHAN» ATUALIZASAUN NE’EBÉ LA IHA ROHAN IHA EVANJELIZASAUN UNIVERSAL

Atu haruka disípulu sira sai nia testemunha, Na’i moris hias fó sai ba ne’ebé atu haruka sira: «iha Jerusalem, Judeia tomak no Samaria no to’o mundu nia rohan (At,1:8) hatudu momos karater universal disxípulu sira nia misaun. Movimentu jeográfika hetan ninia «sentru» kuase konsentra iha Jerusalem ne’ebé konsidera husi tradisaun Judaica hanesan sentru mundu nian, husi Judeia ba Samaria no «to’o mundu nia rohan» haruka sira la’os atu julga maibé atu haklaken; kristaun la’os atu halo julgamento. Iha Livru Apóstolu sira nia hahalok fó hanoin mai ita movimentu missionaria ida ne’e: fó mai ita imajem ida kreda nian ne’ebé furak liu « Ne’ebé sai» atu kumpri nia vokasaun hodi fó testemuña kona ba Jezús Kristu, ne’ebé orienta husi providensia Divina liu husi sirkunstansia moris konkretu lor-loron nian. Hanesan kristaun dahuluk sira hetan persegisaun iha Jerusalem nune’e habelar husi Judeia ba Samaria, hodi fó testemunha kona ba Kristu iha parte hotu. (cf. At 8; 1.4)

Buat ruma hanesan sei akontese iha ita nia tempu. Husi kauza presegisaun hasoru relijiosa sira no situasaun funu no violensia, kristaun barak halai husi sira nia rai rasik hodi ba nasaun seluk. Ita hotu agradese ba maun alin sira ne’ebé la taka an ba terus sira, maibé sira sai testemuña Kristu nian no domin Maromak nian iha nasaun sira ne’ebé  simu sira.

Ida ne’e duni mak Santo Paulo VI dehan, hodi konsidera responsabilidade ne’ebé refere ba migrante sira ba nasaun sira ne’ebé simu. Tuir lolos, ita sente liután oinsá fiar Na’in sira nia prezensa husi nasaun oi-oin hariku paróquia sira, halo nia sai universal no katóliku liutan. Nune’e sira ne’ebé hetan responsabilidade hodi kuidadu imigrante sira iha pastoral ne’e hanesan atividade missionaria ne’ebé ema ida labele abandona, tanba bele mos ajuda fiar Na’in sira atu deskobre fali ksolok fiar sarani nian ne’ebé sira simu tiha ona.

Indikasaun «to’o mundu nia rohan» tenke interpela Jezús nia Disxíplu sira iha tempu saida de’it, dudu sira atu to’o iha fatin sira ne’ebé baibain sira fó sasin kona ba Nia. Ohin, maske liuhusi fasilidades sira ho resultadu progressu ne’ebé modernu, maibé sei iha area jeografika balun ne’ebé seidauk to’o ba, missionariu sira ne’ebé sai sasin Kristu nian ho Liafuan Fóun Nia domin nian.

Iha parte seluk, la eziste realidade humana ne’ebé sente estraña ba atensaun Disxíplu Kristu nia iha sira nia misaun. Iha Kreda, Kristu nafatin iha, iha no sei iha «kreda ne’ebé sai» ba horizonte foun sira, sosial, existensia sira liuliu ba fatin no situasaun sira ne’ebé ema sente iha «dalan ninin», atu bele fó sasin domin Kristu nian ba ema hotu feto eh mane, ema ida-idak, kultura ida-idak no ida-idak ho nia estadu sosial. Iha sentidu ida ne’e, misaun sei nafatin sai misaun Ad Gentes, hanesan Konsiliu Vaticano II hanorin mai ita (exemplo hare iha Dekretu Ad Gentes, kona ba atividade missionariu kreda nian, 12/07/1965), tanba kreda sei halo nia passu dook liutan, liu fronteira sira atu fó sasin kona ba Kristu nia domin. Iha kontestu ne’e , hau hakarak fó hanoin no agradese ba missionariu sira hotu ne’ebé ita labele sura Na’in hira ne’ebé fó sira nia moris atu “ba do’ok liutan”, atu haklaken Kristu nia domin ba maun alin barak ne’ebé sira hasoru.

«IMI SIMU BA, ESPÍRITO SANTO NO HUSIK IMI-AN ATU ESPIRITU SANTO MAK FÓ KBI’IT NO GIA»

Disxíplu sira nia haklaken mak sai hanesan sira nia testemuña, Kristu Moris Hias, promete ona grasa ba responsabilidade ne’ebé boot: « imi simu ba kbi’it Espírito Santo no imi sei sai Hau nia sasin» (At 1,8), tuir narasaun husi Apostolu sira nia hahalok, presija duni atu Espiritu Santu tun ba Jezús nia Disxíplu sira ne’ebé hetan fatin dahuluk atu sai Kristu nia testemuña, mate no moris hias, ho anunsiu Querigma: Saun Pedru nia bolun missionariu ba sarani sira iha Jerusalem. Ho ne’e hahu evanzelijasaun iha mundu husi parte Jezús nia Disxíplu, ne’ebé fóufóun fraku, tauk-ten no taka-an. Espiritu Santu Hakbi’it sira, haraik ba sira korajem no sabedoria atu sai Kristu nia testemuña iha ema hotu nia oin.

Oinsá «ema ida bele dehan: “Jezús mak Na’i” se la ho Espiritu Santu» (1Cor 12, 3), no mos la iha kristaun ida bele fó sasin ne’ebé loos no jenuino Kristu nian la ho inspirasaun no tulun husi Espiritu Santu. Nune’e Disxíplu missionariu ida-idak Kristu nian mak bolun ida atu rekuñese importansia fundamental husi asaun Espiritu, moris ho Nia loron ba loron no simu ho konstantemente kbi’it no inspirasaun husi Nia. Liu-liu wainhira sira sente kolen, la iha motivasaun, sente lakon, fó hanoin fali mai ita atu halai ba Espiritu Santu iha orasaun (papel ne’ebé fundamental iha moris missionaria nian), atu ita bele husik ita-an atu Nia bele hakbi’it no hafóun fali ita, ne’e mak fónte Divina ba enerjia ne’ebé fóun no ksolok hodi fahe ho ema seluk Kristu nia moris.

«Simu Ksolok husi Espiritu Santu mak grasa ida; mak kbi’it unika ne’ebé ita tenke iha atu haklaken Evanjelu no haklaken ita nia fiar iha Na’i» (Fransisco, Mensagem as Pontificias Obras Missionarias, 21/V/2020). Tan ne’e, Espiritu mak Protagonista ne’ebé loos iha misaun: Nia mak haraik mai ita Liafuan loos nian no momentu justu iha buat hotu, Roman Espiritu Santu ne’ebé ita hakarak mos atu lee mak aniversarius missionarius sira iha tinan 2022. Instituisaun Sagrada Kongregasaun husi propaganda fiar nian, iha tinan 1622, motiva husi hakaran atu promove mandatu misionariu iha territoriu fóun sira. Instituisaun ida ne’ebé Providensial! Importante liu mak Kongregasaun revela-an, atu sai misaun evanjelizadora Kreda nian ne’ebé loos, ne’e mak independente husi disturba sira mundu nian, no ikus mai harii Kreda lokal ne’ebé hatudu kbi’it ne’ebé boot. Ita hein katak, hanesan sékulo IV ikus nian, Kongregasaun ho Roman no Kbi’it Espírito Santo nian, kontinua intensifika nia servisu atu ko-ordena, organiza no anima atividade missionaria sira Kreda nian.

Espirito ne’ebé hanesan mak gia Kreda universal, inspira mos ema mane no feto sira ne’ebé simples ba misaun sira ne’ebé extraordinaria. Hanesan mos ho fóinsa’e ida husi França, Pauline Jaricot, iha tinan 200 liu ba harii Assossiasaun ba Propaganda Fiar; ne’ebé sei selebra nia Beatifikasaun iha tinan Jubileu ida ne’e.

Maske ho kondisaun ne’ebé delikadu, nia simu inspirasaun husi Maromak hodi harii movimentu ida iha rede orasaun no koleta ba missionariu sira, iha ne’ebé sarani sira bele partisipa ativamente iha misaun «to’o mundu nia rohan». Ho ideia jéniu ida ne’e mak, moris mai loron mundial misaun nian, ne’ebé ita selebra tinan-tinan, koleta husi komunidade sira hotu sei tau ba fundu universal iha ne’ebé Santo Padre sustenta atividade missionaria.

Iha kontestu ida ne’e, hau mos hanoin fali Bispu Francês Charles de Fórbin-Janson, ne’ebé hahu ho obra santa Infância atu promove misaun entre labarik sira ho lema « labarik sira evanjeliza labarik sira, labarik sira reza ba labarik sira, labarik sira ajuda labarik sira iha mundu tomak»; hau hanoin mos senhora Jeanne Bigard, ne’ebé fó nia moris ba Obra Saun Pedru Apóstolu, atu fó apoiu ba seminarista sira, Amululik sira iha rai misaun. Obras missionariu tolu ne’e prezisa tinan 100 atu hetan rekoñesimentu iha «Pontificias».

No mos hetan inspirasaun no gia husi Espiritu Santu, ne’ebé Beatu Paolo Manna, moris iha tinan 150, harii Pontificia Uniaun Missionaria, ikus mai sensibiliza no anima misaun ba Na’ilulik, Relijioso no Relijiosa sira no mos ba Maromak nia povo sira hotu.

Obra ida ikus nian ne’e, hola parte,  partikular Paulo VI, nia mak konfirma rekoñesimentu Pontifício. Hau mensiona Obras 4 Missionarias Pontifícias husi nia méritu boot istorika sira no mos konvida imi atu haksolok ho sira, iha tinan espesial ida ne’e, ba atividade sira ne’ebé buras ho apoiu misaun evanjelizadora nian iha Kreda universal no kreda local sira. Hau hein katak igreja lokal sira  bele hetan obra sira ne’e hanesan instrumentu ida ne’ebé seguru atu bele fó han ba Espiritu missionariu no Maromak nia Povo.

Maun alin doben sira, hau kontinua mehi kona ba kreda ne’ebé ema hotu mak missionaria no iha estasaun fóun ba asaun missionaria husi komunidade kristaun sira. No hau repete Moises nia hakarak ba Maromak nia povo iha dalan: « katak Maromak nia Povo hotu tenke professia» (Num, 11:29). Sim, ita hotu mak hola parte Kreda iha ne’ebé ita hotu simu virtude Batizmu nian: nu’udar Profeta, sasin, Na’i nia Missionariu sira! Ho kbi’it Espirito Santo nian no to’o mundu nia rohan.

Maria Liurai Feto Misaun nian: Harohan mai ami!

 

Roma, São João de Latrão, iha Solenidade Epifania Na’i nian, 6 de Janeiru 20022

FRANCISCO