Dil – Iha  1 Outubru, Irmán Perpetua hamutuk 27 no mós Irman sira ne’ebé partisipa via online husi Komunidade Jakarta, Sumba 2, Cassa no Fuiloro ho tema “Akompañaentu Espiritual” ne’ebé hato’o husi Pe. José Valdir Siquera, dos Padres Cavanis, CSCh (Congregação das Escolas de Caridade).

Tuir ita nia konstituisaun FMA, 34 no 35: kolokio pesoal mak momentu privelejiadu ba kresimentu pesoal no komunitaria iha identidade FMA nian. Padre ne’e haforsa liu tan ba irman sira atu empeña-an nafatin hodi valoriza kolokio ho regular. Irman ida-idak kria nafatin espasu interior ba Maromak liu husi:

• Dixiplina fuan nian
• Dixiplina livru (Maromak Futar Liafuan)
• Dixiplina Komunidade Fiar nian ka Igreja.

Ikus liu taka ho reflesau pesoal, fahe reflesaun iha grupo ki’ik tuir mahusuk ne’ebé Padre fo.

Ami mos hato’o ami nia agradese wain ba Me. Alma (Madre Ispetora) ne’ebé nafatin preokupa ba ami nia formasaun hodi marka momentu furak ida ne’e ba ami atu hafanun fali ami atu sai konxiente liu tan ba ejijensia sira iha formasaun pesoal. Agrdese mos ba Pe. Jose, CSCh ne’ebé ho disponibilidade mai fahe ona ho ami Padre nia matenek no hanoin sira kona ba Akompanamentu Espiritual. Ikus liu ami agradese ba Ekipa TOT ne’ebé prepara fatin no hahan ba ami iha formasaun ida ne’e. Maromak sei rekompensa imi nia diak hotu.