Dili – Iha Domingo dia 25 de Setembro Komunidade Edukativa (labarik, foinsae, animadores), membru Familia Salesiana (ADMA, antigos/antigas alunas, ect.) belun, Doadores no vizinu halibur hamutuk atu taka selebrasaun tinan 150anos FMA. iha okaziaun ida ne’e mós komunidade Agradece Amululik sira hotu ne’ebé mai selebra misa loroloron iha komunidade (SDB sira, Jesuitas no Diocesano sira husi Fatumeta). Maski tarde oituan tanba ho aktividades barak iha fulan agostu no setembro nia laran nune’e ami hili data ohin nian atu selebra. Amu celebrante Pe. Apolinario Neto,SDB iha nia mensajem husu atu agradece ba tinan 150 ne’ebé liu ona kontinua hahì no tane  Maromak nia bensan no tulun iha tinan barak ne’ebé sei mai husi jerasaun ba jerasaun.

Misa hotu taka ho han kalan hamutuk hodi selebra mós ho oratoriano sira ne’ebé halo sira nia Primeiro Komunaun. Iha klima ksolok, fraternu no unidade nian. Amu Paroco Balide foun Pe. Angelo Salsinha no Pároku sesante Pe. Graciano Santos Barros no amululik kapelaun sira seluk mós partisipa.

(Angelita Gomes FMA)