Laga, 24 Setembru, komunidade Beata Laura Vicuña laga, hala’o festa  Gratidaun nian, hamutuk  ho Familia Salesiana( SDB, ADMA, Saleziano-Cooperadores, professores, Comunidade Educativa no FOSCA).

Evento ne’e hahu  ho Selebrasaun Eukaristia nebe preside husi Padre Rui Gomes,SDB. Iha ninia homilia: Nia agradese ba Madre Ligia ninia prezensa iha komunidade laga, liuliu ba madre ninia kolaborasaun iha pastoral Paroquia nian. Hafoin Almoço confraternizasaun hamutuk ho familia Salesiana sira, depois de  Almoço Labarik sira espressa sira nia sentido Gratidaun nian liu  drama, dansa, puizia, no kanta.  Madre Cecilia(vigaria komunidade),  agradese ba Me. Ligia ba ninia espiritu familia nian, tau matan nudar inan, espiritu animasaun no ba akompañamento no domin. Ikus liu

Me. Ligia hato’o ninia liafuan agradesementu nian: uluk knanain hau agradese ba Maromak ba imi nia prezensa nebe kontinua tulun no serbisu hamutuk iha tinan nee nia laran ba klamar foinsae no labarik sira nian. Madre sublina tan Tema evento Gratidaun nian “Ita mak prezente  ba malu” katak ita nia prezensa ba malu folin liu, ita hotu nafatin prezisa malu, iha ita nia moris loron loron nian, ita nia prezente ba malu nee gratuitu husi Maromak la presiza sosa ho osan. Ikus liu hasai foto nudar rekordasaun no dahur hamutuk  nudar familia ida, hafoin Evento Gratidaun nian remata.

(Agostinha Magno FMA)