“Qazaq Concert Hall” (Nur-Sultan)
Tersa, 13 Setembru 2022

Iha diskursu dahuluk ba autoridade, Papa Francisco define Estadu aziátiku ida-ne’e “País enkontru nian” ne’ebé sai maklorik hakilar kontra funu iha Ukraina: presiz aleader sira ho kbiit atu hamosu “espíritu Helsinki foun”.

Ha’u mai nu’udar peregrinu dame nian, buka diálogu no unidade. Ita-nia mundu iha nesesidade urjente ba ne’ee, iha nesesidade atu hetan filafali armonia.

Nune’e mak Papa Francisco loke nini diskursu ba autoridade, sosiedade sivíl no korpu diplomaátiku Kazakhstan nian ne’ebé nakonu iha Qazaq Concert Hall iha Nur-Sultan. Amu-Papa to’o iha edifísiu hodi halo dalan ne’ebé haketak Palásiu prezidensiál ho kadeira-roda, akompaña husi xefe Estadu, Kassym-Jomart K. Tokayev.

Presiza empeñu diplomátiku atu favorese diálogu no dame

Amu-Papa nia diskursu riku ho hanoin kona-ba valór sira demokrasia nian no ne’ebé País nne’e promove, País ida define nu’udar “kruzamentu ligasaun jeopolítika relevante sira: no tanba ne’e ho papél fundamentál atu hamenus konflitu”. Papa Francisco hanoin fali João Pualo II nia vizita ne’ebé “mai kuda fini esperansa niantuir kedas atentadu trájiku sira2001 nian”, no halo paralelu ho ninian, ne’ebé hatama “iha funu beik no trájiku hahú husi invazaun Ukraina nian, enkuantu dezenkontru no ameasa konflitu sia-nian tau ita-nia tempu iha perigu”.

“Ha’u mai atu habot hakilar husi ema barak ne’ebé husu dame, dalan dezenvolvimentu esensiál ba ita-nia mundu globalizadu. No dame mak ne’e: dalan dezenvovlimentu esensiál ba ita-nia mundu globalizadu. Nune’e iha nesesidade urjente atu haboot empeñu diplomátiku afavór ba diálogu no enkontru, basá ida nia problema mak ohin sai hotu-hotu nia problema, no sé mak iha mundu ne’e iha podér iha responsabilidade boot liután ba ema seluk, liuliu País sira ne’ebé hasoru krize boot husi lójika konflitu nian”.

Papa Francisco konvida atu la hateke de’it ba interese rasik, atu evita kompete malu, no reforsa bloku opostu sira-nian.

“Ita presiza leader ne’ebé, iha nivel internasionál, halo povu sira komprende malu no diálogu, no hamoris “espíritu foun Helsinki nian”, no hakarna atu habiit multilateralizu, atu harii mundu ida estavele no pasífiku liután hodi hanoin ba jerasaun foun sira. No atu halo ida-ne’e presiza komprensaun, pasiénsia no diálogu ho hotu. Ha’u repete, ho hotu”.

Husi pasadu opresaun nian ba atensaun ba inkluzaun

Ba públiku ne’ebé rona nia ho atensaun, Papa evidensia tradisaun antig ano furak País nian, uzu sira, kostume no símbolu sira, hanesan dombra, instrumentu muzikál ida konsidera nu’udar emblema kulturál, Papa Francisco foti indikasaun husi utilizasaun instrumentu ho tali rua ne’e atu enfatiza kontinuidade iha diversidade no importánsia “hasoru mudansa ekonómika no sosiál lais ne’ebé akontese daudaun, keta tau sees ligasaun ho ema sira ne’ebé uluk ba ita ni amoris”. Nia temi mós definisaun ne’ebé João Paulo II fó ba Nasaun iha ninia vizita iha Setmebru 20021 – rai mártir no fiar-na’in nian, deportadu no asu-uain sira-nian, pensadór no artista sira-nian – no nia hanoin “kampu projioneiru sira-nian no deportasaun massa nian ne’ebé sidade no estepa sira lahó limite haree iha País “opresaun ba populasaun barak”. Pasadu ida ne’ebé husi nia “nafunan kuidadu ba inkluzaun”.

Iha rai ne’e, ne’ebé povu barak liu iha tempu antigu, lembransa terus no provasaun sira-nian sai bukae indispensavel atu la’o ba futuru hodi tua iha fatin dahuluk ema nia dignidaade, ema ida-idka nian, grupu étniku niian, sosiál no relijiozu.

País ida enkontru nian

Ita konsentra iha karakterístika sira Kazakhstan nian, Amu-Papa evidensia klamar rua, ida aziátika no ida europeia, ne’ebé halo nia sai “ponte entre Europa no Ázia”, kadeli ligasaun nian entre Oriente no Osidente’”, no subliña katak “grupu étniku 150 no tan dalen ualunulu:, h” ho istória sira, tradisaun kulturál no relijiozu oioin”, halo nia sai “laboratóriu multi-étniku, multi-kulturál no multi-relijozu úniku, hodi releva ninia vokasaun partikulár, atu sai País enkontru nian”. Aspetu urjente no importante atu kontribui, liuliu husi relijiaun sira: liberdade relijizaun no fiar nian, esensiál iha País laiku ne’ebé respeita sidadaun sira, respeita populasaun sira nia etnia, kultur, rekoñesimentu direitu no devér sira no protesaun liberdade nian, ne’ebé tulun atu konvivénsia sivíls ai di’ak liután.

Amu-Papa apresia País nia valorizasaun ba vida umana liuhusi “abolisain pena morte nian” no afirma oinsá importante “garante liberdade hanoin nian, konxiénisa nian no espresaun nian, atu fó espasu ba papél úniku no igualitáriu ne’ebé ida-idak iha ba hotu”.

Aleinde ne’e Amu-Papa observa katak autoridade sivíl sira iha responsabilidade atu “tau matan ba povu nia jéniu no moris”, promove di’ak komún no demokrasia, atu podér sai servisu ba povu tomak no la’ós de’it ba uitoan.

Iha konkluzaun ninia diskursu nian, Papa Francisco konvida atu tau matan ba jerasaun abanbairua nian, apresia sira-nia renúnsia ba “aram nukleár sira: no “dezenvolvimentu polítika enerjétika ne’ebé konsentra iha dekarbonizasaun no investimentu ba fonte moos sira”, no fó parabéns ba “atensaun ba diálogu inter-relijiozu”, fini esperansa ne’ebé preisza kuda ba jerasaun abanbairua nian.