Editoriál: «Ha’u entrega sira ba ó»

Ita selebra daudaun tinan 150 fundasaun Institutu nian, Institutu ida ne’ebé Na’i-Feto rasik hakarak bainhira Main rona liafuan “A te le affido” no Don Bosco hetan interpelasaun iha nia mehi iha-ne’ebé Na’i-Feto dehan “Tau matan ba sira. Sira ha’u-nia oan-feto sira”.
Entrega husi Na’i-Feto ne’e, mak entrega ida mai ita iha kontemporaneidade. Iha tinan 150 Institutu nia moris ita iha responsabilidade atu tau matan no dezenvolve karizma. Ita ida-idak responsavel pesoalmente no komunitariamente ba Institutu nia moris ohin.

Karizma bele dezenvovle, hakle’an, inkultura iha tempu no espasu, liuhusi FMA ida-idak no komunidade ne’ebé simu no enkarna iha fidelidade. Karizma, loos duni, kodifika iha testu Konstituisaun sira-nian, maibé iha nivel vitál, karizma prezente iha esperiénsia konkreta husi ema ne’ebé asume no bainhira nia husik Konstituisaun forma nia.

Iha kondisaun indispensavel ruma atu bele tranzmite karizma ho fidelidade: ksolok ho vokasaun rasik, vida espirituál kle’an, formasaun karizmátika no koñesimentu Fundadór/a sira-nian no karizma nia dezenvolvimentu, halo karizma nabilan iha Kreda. Kondisaun sira-ne’e la’ós de’it okazionál maibé ninia autentisidade hatudu iha moris loron ba loron nian.

Mai ita kontinua festeja tinan 150 hodi “halakan hikasfali ahi” (S 27,8) ho ita-nia fidelidade ba Maromak, ba Fundadór/a sira, ba ita-nia vokasaun rasik.

(JG)