Dili – Iha loron 1- 7 Setembru, irmán sira grupu dahaat hamutuk na’in 30 halo retiru annual  iha Sentru Formasaun João Paulo II Komoro. Retiru ne’e fahe ba grupu  rua.  Grupu ida grupu irmán Jubilante sira ne’ebé prepara an selebra tinan 25 na’in 7 no tinan 50 na’in ida iha  moris relijioza Salesiana. Irman sira ne’e halo reflesaun ketak nune’e mós Bona notte online ho irmán Sara Garcia FMA iha Filipina, ne’ebé sai maestra irmán sira nian bainhira halo formasaun inisial iha Filipina. Grupu rua  irmán sira na’in 22 hamutuk ho Ir. Maria Dolores Ruiz Perez FMA nu’udar gia/pembina ho tema “ Kekuatan akar / Abut nia kbiit” ne’ebé halo prezensa fó moris ho Maria. Métodu ne’ebé uza iha ezersisiu espirituál ne’e mak métodu Lectio Divina ( statio, lectio, meditation, oratio, contemplation, discretio-deliberatio no action). Iha dader reflete fatin sira iha kontestu Biblika no loraik reflete Konstituisaun iha roman Maromak Futar Lia.

Fatin sira ne’ebé reflete; 1. Senaklu; iha livru apóstolu sira nia hahalok, fatin hahu igreja moris, iha ne’ebé apostolu sira hamutuk ho Maria iha harohan hodi hein Espiritu Santu no hatudu imajen Igreja nian nu’udar komunidade ne’ebé badinasa iha harohan.  2. Dezertu/rai-fuik maran. Husi livru Oseias ne’ebé koalia kona-ba Israel nia infidelidade ba Na’i.  3. Belen & Nazare  koalia konaba misteriu Inkarnasaun nian “ Emmanule”. Komunidade relijioza simu bolun atu hatudu Maromak nia reinu ho sira nia moris ba Maromak nia povu.  4. Tasi Galileia (Mateus 4,22); Jezús bolu eskolante sira ba dala uluk. 5. Jeruzalen – Paskua Mat. 20: 17 -28 – Jezús haraik An nu’udar atan – serbisu no autoridade tuir espiritu Salesiziana.  6. Festa /Agradesimentu; katak iha moris loron loron nian nafatin ho ksolok hodi selebra no fó agradese nafatin ba buat diak hotu ne’ebé ita simu husi Na’I, ne’ebé bazeia ba Jo.15:16 “Ba no fó fuan wain”. Buat ne’ebé ita simu no rona presiza fahe mós ba ema seluk.

Agradese ba irmán Loli ne’ebé lori ami ba peregrinasaun iha Terra Santa ho imajinasaun liu husi video no foto ba fatin hirak ne’e. Tulun ami hadomi Maromak Futar Lia nune’e ami bele halo tuir nafatin nia hakarak iha moris loron loron. Agradese mós Madre Alma ne’ebé fó hanoin mai ami konaba objetivu Laudato Si nian. Hamutuk ho labarik no foin-sa’e taumatan ba ita-nia uma komun hodi hatán ba rai nia hakilar no ema kiak sira nia hakilar. Ami esperiensia duni retiru ida ne’e nu’udar momentu renovasaun ami-nia fidelidade ba Na’i hodi kontinua serbi labarik no foin-sa’e sira ne’ebé saran ba ami liman.

(Alice Filipe FMA)